ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شۆەسيا مەن فينليانديا ناتو-عا قوسىلۋعا ءوتىنىش بەردى

18 مامىر 2022 96
[ad_1]



18 مامىردا شۆەسيا مەن فينليانديا سولتۇستىكاتلانتيكالىق وداققا قوسىلۋعا رەسمي تۇردە ءوتىنىش بەردى.

ناتو باس حاتشىسى يەنس ستولتەنبەرگتىڭ ايتۋىنشا، ناتو ەكى ەلدىڭ ءوتىنىشىن جەدەل تارتىپپەن قارايدى.

شۆەسيا مەن فينليانديا رەسەيدىڭ ۋكرايناعا باسقىنشىلىعى جالعاسىپ جاتقان تۇستا بەيتاراپ مارتەبەسىنەن باس تارتىپ، ناتو-عا قوسىلۋ تۋرالى شەشىم قابىلداعان.

ەكى ەلدىڭ وتىنىشتەرىن ناتو كەڭەسى قارايدى. ودان كەيىن ولاردىڭ وتىنىشتەرىن وداققا مۇشە بارلىق 30 ەل قابىلداۋى ءتيىس.

دەگەنمەن بۇعان دەيىن تۇركيا پرەزيدەنتى رەجەپ ەردوعان شۆەسيا مەن فينليانديانى ناتو-عا قوسۋعا قارسى بولعان. ول حەلسينكي مەن ستوكگولمدى انكارا "تەرروريستىك ۇيىم" دەپ تانىعان ۇيىمداردى قولدادى، ولاردىڭ مۇشەلەرىنە ساياسي باسپانا بەردى دەپ ايىپتاعان.

18 مامىردا Bloomberg ەكى ۇمىتكەر ءبىرقاتار شارتتى ورىنداسا، تۇركيا وتىنىشتەرىن قولداۋعا ءازىر دەپ جازدى. انكارا شۆەسيا مەن فينليانديانىڭ "كۇردىستاننىڭ جۇمىسشىلار پارتياسىن" تەرروريستىك ۇيىم دەپ تانىعانىن قالايدى. بۇعان قوسا، تۇركيانى F-35 ۇشاقتارىن پايدالانۋ باعدارلاماسىنا قايتا قوسىپ، 2019 جىلى تۇركيانىڭ سيرياعا باسىپ كىرۋىنە بايلانىستى قويىلعان قارۋ-جاراق ەكسپورتىنا شەكتەۋدى الىپ تاستاعانىن تالاپ ەتەدى.



[ad_2]

دەرەككوز
بۇل ماقالا تۋرالى نە ويلايسىز؟