ماسكەۋدىڭ مۇراعاتىنان قازاق حاندارى جازعان حاتتار تابىلدى. رەسەيدىڭ سىرتقى ساياسات مۇراعاتىندا XVII-XIX عاسىرلاردا جازىلعان قازاق حاندارىنىڭ حاتتارى ساقتالعان.
قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى ج.بولدىقوۆ باستاعان توپ ارحيۆ ىستەرى جانە قۇجاتتامانى باسقارۋ كوميتەتىنىڭ قولداۋىمەن رەسەيدىڭ ماسكەۋ قالاسىنا بارعان. كتك ارناسىنىڭ مالىمەتىنشە، «ارحيۆ-2025» جوسپارىن ىسكە اسىرۋ ماقساتىنداعى ءىسساپاردا ماماندار ونداعى ارحيۆتەر مەن كىتاپحانالارداعى قازاقستان تاريحىنا قاتىستى قۇندى دەرەكتەردى ەلگە اكەلگەن.
– زەرتتەۋشىلەر ەلىمىزدىڭ تاريحىنا قاتىستى جازبا مۇرالار مەن قۇندى قۇجاتتاردى تاپقان. اتاپ ايتقاندا، رەسەي مەملەكەتتىك كىتاپحاناسىنان ەل تاريحىنا قاتىستى 47 مىڭعا جۋىق ادەبيەت الىنسا، رەسەي مەملەكەتتىك تاريحي-كوپشىلىك كىتاپحاناسىنان حVII عاسىرعا تيەسىلى ليتوگرافيالىق كىتاپتار مەن سيرەك جازبا مۇرالار انىقتالدى. 4 عاسىرلىق تاريحى بار رەسەي مەملەكەتتىك اسكەري-تاريحي ءارحيۆىنىڭ قورىن زەرتتەۋ بارىسىندا جەر ماسەلەسىنە قاتىستى قۇجاتتار، كارتالار مەن بۇيرىقتار بەلگىلى بولدى. ال سىرتقى ساياسات ارحيۆىندە XVII-XIX عاسىردا جازىلعان قازاق حاندارىنىڭ حاتتارى ساقتالعان، – دەلىنگەن ۆەدومستۆو حابارلاماسىندا.
دەرەككوز
