ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ساياسي مالىمدەمە" جاساماق بولعان بولات ءابىلوۆ باسپا ءسوز جيىنىن باسقا كۇنگە اۋىستىردى

12 مامىر 2022 105
[ad_1]



12 مامىردا "ساياسي مالىمدەمە" جاساماق بولعان قازاقستاندىق كاسىپكەر بولات ءابىلوۆ جيىنعا ءبىر كۇن قالعاندا باسپا ءسوز جيىنىن باسقا كۇنگە اۋىستىرعانىن مالىمدەدى. ونىڭ ايتۋىنشا، وتكەن اپتادا شارانى وتكىزۋگە كەلىسكەن قوناق ءۇي ابدەن تاقالعاندا جيىندى وتكىزۋدەن باس تارتقان.


وتكەن اپتادا كەلىسكەنىمىزبەن بۇگىن (11 مامىر – رەد.) بىزگە شارانى وتكىزە المايتىنىن ايتتى. "زال بوس ەمەس جانە دۇرىس قاراماپتىق" دەدى. كەشىرىم سۇرادى. مەنىڭ ويىمشا، ولارعا قىسىم جاساعان سياقتى، – دەدى بولات ءابىلوۆ ازاتتىققا.


وسىعان دەيىن جۋرناليستەرگە 12 مامىردا الماتىداعى قوناق ۇيلەردىڭ بىرىندەگى كونفەرەنسيا زالىندا باسپا ءسوز جيىنى وتەتىنى جايلى حابارلاما تۇسكەن. وندا بولات ءابىلوۆتىڭ مالىمدەمە جاسايتىنى دا حابارلانعان ەدى. ءبىراق جاي-جاپسارى ايتىلماعان. كەيبىر بەلسەندىلەر مەن ساياساتتانۋشىلار بولات ءابىلوۆ پارتيا قۇراتىنىن مالىمدەيدى دەپ بولجاعان.


سارسەنبى كۇنى ازاتتىق ءتىلشىسى ساياساتكەردەن وسى جونىندە سۇراعان كەزدە اقپاراتتى راستامادى، تەرىستەمەدى دە. ول كونفەرەنسيانىڭ ۋاقىتى مەن ورنىن الداعى ۋاقىتتا حابارلايتىنىن جەتكىزدى.


بولات ءابىلوۆتىڭ ويىنشا، كەيىنگى كەزدە ونى بىرەۋلەر "اڭدىپ"، "اڭگىمەلەرىن تىڭداي باستاعان". ول جۋىردا قاڭتار قىرعىنى كەزىندە 200-دەن استام ادامنىڭ ولىمىنە كۇدىكتىلەر ءالى انىقتالعان جوق دەپ مالىمدەگەن. ول وسى جايت باسپا ءسوز جيىنىنىڭ وتپەي قالۋىنا سەبەپ بولۋى مۇمكىن دەپ توپشىلايدى. ساياساتكەر بيلىكتى "ءوز ازاماتتارىنا تيردا اتقانداي وق اتقان قانىشەرلەردىڭ اتىن اتاپ، ءتۇسىن تۇستەگىسى كەلمەيدى" دەپ تاعى ايىپتادى.


كاسىپكەر، ساياساتكەر بولات ءابىلوۆ – 2000-جىلداردىڭ باسىندا "قازاقستاننىڭ دەموكراتيالىق تاڭداۋى" قوعامدىق بىرلەستىگى ساياسي كەڭەسىنىڭ مۇشەسى، "اقجول" پارتياسىنىڭ تەڭ ءتوراعاسى بولعان. 2013 جىلى قىركۇيەكتە ءابىلوۆ "شىعارماشىلىقپەن" اينالىساتىنىن مالىمدەپ، ساياساتتان كەتكەن.


قاڭتار وقيعاسىنان كەيىن ءابىلوۆ ينتەرنەتتە ۆيدەومالىمدەمە جاساپ، قاڭتار قۇرباندارىن ەسكە الۋ ءۇشىن "قارالى جيىنعا" شاقىرعان. ول ميتينگ كەزىندە "ءبىرىنشى پرەزيدەنت تۋرالى" زاڭنىڭ كۇشىن جويىپ، نازاربايەۆ كوشەسىن قاڭتار دەپ اتاپ، وندا وقيعا قۇرباندارىنا ەسكەرتكىش ورناتۋدى ۇسىنعان.


بىرنەشە اپتادان سوڭ بەلسەندىلەرمەن بىرگە ءابىلوۆ تە ۇستالىپ، اكىمشىلىك جازاعا تارتىلدى. اكسياعا قاتىسقانداردىڭ كەيبىرى اكىمشىلىك قاماۋعا الىندى. ابىلوۆكە ايىپپۇل سالىندى.







[ad_2]

دەرەككوز
بۇل ماقالا تۋرالى نە ويلايسىز؟