ءسۇيىنشى سۇرايتىن اقپارات تۋرالى ساياساتكەر زامانبەك ءنۇرقادىلوۆقا بەرىلگەن استا ايتىلدى، دەپ حابارلايدى alash.kz.
زامانبەك قالاباي ۇلى 1944 جىلى الماتى وبلىسى، نارىنقول اۋدانىندا ومىرگە كەلگەن. ءتىرى بولعاندا، 15 قاڭتاردا 80 جاسقا تولار ەدى.
كوپشىلىك ساياساتكەردىڭ رۋحىنا تاعزىم ەتىپ، ونىڭ جەتىستىكتەرىن، يدەيالارى مەن ىستەرىن ەسكە الۋعا جينالدى.
اسقا قاتىسقاندار اراسىندا ءاسانالى ءاشىموۆ، مۇرات اۋەزوۆ، زەينەپ احمەتوۆا، نۇرلان ورازالين، امانگەلدى شابداربايەۆ، رىسبەك سارسەنباي، بولات ءابىلوۆ بار.
مەملەكەت باسشىسى قىسىم-جومارت توقايەۆ پەن سەنات باسشىسى ماۋلەن اشىمبايەۆتىڭ حاتتارى دا وقىلدى.
ال قازاقتىڭ تۇڭعىش عارىشكەرى توقتار اۋباكىروۆ باستاعان قوعام قايراتكەرلەرى زامانبەكتىڭ ەسكەرتكىشىن تۋعان اۋىلى كەگەندە عانا ەمەس، الماتى قالاسىندا ورناتۋ تۋرالى ۇسىنىس ايتتى.
