قاڭتارعا قاتىستى ءىس ءالى اياعىنا شىققان جوق. ەندىگى كەزەك الىپتارعا قاراي اۋىسۋدا. باس پروكۋراتۋرانىڭ سوتقا دەيىنگى تەرگەۋ قىزمەتى ۇلتتىق قاۋىپسىزدىك كوميتەتىنىڭ بۇرىنعى ءبىرىنشى ورىنباسارى سامات ابىشكە قاتىستى قىلمىستىق ءىستى تەرگەۋدى اياقتادى.
تەرگەۋ قىلمىستىق كودەكستىڭ 362-بابىنىڭ 4-بولىگى (اۋىر زارداپتارعا اكەپ سوقتىرعان، بيلىكتى نەمەسە لاۋازىمدىق وكىلەتتىكتەردى اسىرا پايدالانۋ) بويىنشا جۇرگىزىلگەن. ءىس سوتقا جىبەرىلدى. ەستەرىڭىزدە بولسا، سامات ءابىش قازاقستاننان ەشقايدا شىقپاۋ تۋرالى قولحاتپەن ءجۇر. قىلمىستىق ىستە مەملەكەتتىك قۇپيالاردى قۇرايتىن مالىمەتتەر بولعاندىقتان، سوتقا دەيىنگى تەرگەپ-تەكسەرۋدىڭ دەرەكتەرى جارياعا جاتپايتىنى حابارلانادى.
باس پروكۋروردىڭ ورىنباسارى جاندوس ومىرالييەۆ سامات ءابىشتى بۇلتارتپاۋ شاراسىنىڭ ءالى وزگەرمەگەنىن ايتقان بولاتىن.
