ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سالتانات نۇكەنوۆانىڭ اعاسىنىڭ تۇسىنە كىرىپ، "ايان بەرگەنى" ايتىلدى

13 ءساۋىر 2024 3046

سالتانات نۇكەنوۆانىڭ اعاسىنىڭ تۇسىنە كىرىپ، "ايان بەرگەنى" مالىمدەلدى. ايتبەك امانگەلدىنىڭ ايتۋىنشا، قارىنداسى سالتانات نۇكەنوۆا، ءبىر رەت عانا تۇسىنە كىرگەن. تۇسىندە ايان بەرگەن، دەپ حابارلايدى Alash.KZ ۇلتتىق پورتالى Skifnews.kz اقپارات پورتالىنا سىلتەمە كورسەتە وتىرىپ.

ايتبەك امانگەلدى دانا ورمانبايەۆانىڭ «داي سلوۆو» باعدارلاماسىنا بەرگەن سۇقباتىندا تۇسىندە سالتاناتتى كورگەنىن ايتتى. ايتۋىنشا، ءتۇسى وتە انىق، ۇزاق جانە شىن ومىردەگىدەي بولعان. 

سالتانات نۇكەنوۆانىڭ اعاسى ايتبەك امانگەلدى كوپشىلىككە ءوز ءتۇسىن بايان ەنتتى. ونىڭ ايتۋىنشا، ءتۇسى وتە انىق، ۇزاق جانە شىن ومىردەگىدەي بولعان. 

ءقازىر قارىنداسىنىڭ ەسىمىن قارالاماي، ونىڭ ولىمىنە سەبەپكەر بولعان ادامدار زاڭ تۇرىندە قاتاڭ جازالانۋىنا بارىن سالۋدا. ەلىمىزدىڭ بىلىكتى ادۆوكاتتارى كومەككە كەلىپ، كۇن سايىن سوت پروسەسىندە مۇددەلەرىن قورعاپ كەلەدى. ودان بولەك، قانشاما قازاقستاندىق مارقۇمنىڭ اعاسىنا جان-جاقتى قولداۋ ءبىلدىرىپ كەلەدى.

بۇل ءتۇستى اعاسى قاراشا ايىنىڭ ورتاسىندا كورگەن. كورگەنىن جاقىن ادامىمەن بولىسكەن. ول ايەل مەشىتتە جۇمىس ىستەيدى. ايتۋىنشا، ول ايەلدىڭ ولگەن ادامداردىڭ رۋحىمەن سويلەسە الاتىن قاسيەتى بار. سالتانات وعان جەرلەۋ راسىمىنە قاتىسىپ، ءسوز سويلەۋدى سۇراعان ەكەن. 

ورايى كەلگەندە ايتا كەتەيىك، 11 ءساۋىر كۇنى قازاقستان پارلامەنتى تۇرمىستىق زورلىق-زومبىلىق تۋرالى زاڭ قابىلدادى. اتالعان زاڭ ايەلدەر مەن بالالاردىڭ قاۋىپسىزدىگىن كۇشەيتەدى. 

وسى تۇستا ايتبەك امانگەلدى تۇسىندە كورگەن سول ەكى ساندى «11» دەپ وزىنشە جورامالدادى. ويىنشا، سالتانات وعان ايان بەرگەن.

11 سانى:

11 قاراشا – سالتانات جەر قوينىنا تاپسىرىلدى؛

11 ناۋرىز – بيشىمبايەۆتىڭ ءىسى بويىنشا الدىن الا تىڭدالىم ءوتتى؛

11 ءساۋىر #سالتاناتزاڭى قابىلداندى.

«ەندى نە بولادى؟ تاعى ءبىر ايتىلماعان دۇنيە بار. ونى سوت وتىرىسى اياقتالعان سوڭ ايتامىن»، - دەپ جازدى ايتبەك امانگەلدى. 

بۇل ماقالا تۋرالى نە ويلايسىز؟