ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەي «تەرروريستىك مەملەكەتتەر» قاتارىنا قوسىلدى

11 مامىر 2022 89




ليتۆا پارلامەنتى رەسەيدى ءبىراۋىزدان «تەرروريستىك مەملەكەت» دەپ تانىدى.





Delfi باسىلىمىنىڭ حابارلاۋىنشا، 10 مامىردا ليتۆا سەيمى ۋكرايناداعى «اسكەري وپەراسياعا» بايلانىستى رەسەيدى «تەرروريزمدى قولدايتىن جانە جۇزەگە اسىراتىن مەملەكەت» دەپ ەسەپتەيتىن قارار قابىلدادى. پارلامەنت دەپۋتاتتارى قارارعا ءبىراۋىزدان داۋىس بەردى – 128 داۋىس.







ليتۆا پارلامەنتى اسكەري وپەراسيانى «ۋكراين حالقىنىڭ گەنوسيدى» دەپ اتادى. سونداي-اق، ەل حالىقارالىق قاۋىمداستىقتى رەسەيدىڭ ۋكرايناعا قارسى ارەكەتتەرىن تەكسەرىپ، باعالايتىن ارنايى قىلمىستىق تريبۋنال قۇرۋعا شاقىردى. بۇل تريبۋنال حالىقارالىق تۇتقىنعا الۋ وردەرلەرىن شىعارۋعا قۇقىلى بولۋى كەرەك. سونىمەن بىرگە، مەملەكەت باسشىلارىنىڭ، ۇكىمەتتەردىڭ جانە باسقا دا شەنەۋنىكتەردىڭ يممۋنيتەتىن الىپ تاستاۋ كەرەك، دەلىنگەن قاراردا.





«قارۋلى كۇشتەرى بومبالاۋ ءۇشىن ازاماتتىق نىسانداردى قاساقانا جانە جۇيەلى تۇردە تاڭدايتىن رەسەي فەدەراسياسى تەرروريزمدى قولدايتىن جانە جۇزەگە اسىراتىن مەملەكەت» دەلىنگەن قۇجاتتا.





ەسكە سالساق، 24 اقپاندا ۆلاديمير پۋتين ۋكراينانى «دەميليتاريزاسيالاۋ» جانە «دەنازيالاندىرۋ» بويىنشا اسكەري وپەراسيا باستاعان.








دەرەككوز
بۇل ماقالا تۋرالى نە ويلايسىز؟