ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ 2022 جىلعى 5 ماۋسىمعا تاعايىندالعان رەسپۋبليكالىق رەفەرەندۋمدى دايىنداۋ مەن وتكىزۋدىڭ ۇيىمداستىرۋشىلىق اسپەكتىلەرى تۋرالى ايتتى
«رەسپۋبليكالىق رەفەرەندۋمعا دايىندىق پەن ونى وتكىزۋ ءتارتىبى «رەسپۋبليكالىق رەفەرەندۋم تۋرالى» 1995 جىلعى 2 قاراشاداعى كونستيتۋسيالىق زاڭدا كورسەتىلگەن. رەفەرەندۋمدى وتكىزۋگە ازاماتتار ەرىكتى تۇردە قاتىسادى ءارى بۇل جاسىرىن داۋىس بەرۋ ارقىلى جالپىعا بىردەي، تەڭ جانە تىكەلەي قاتىسۋ قۇقىعىنا نەگىزدەلەدى» دەدى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.
ونىڭ ايتۋىنشا، اكىمدىكتەر داۋىس بەرۋگە ارنالعان ۋچاسكەلەردى انىقتاپ، رەفەرەندۋمعا قاتىسۋعا قۇقىعى بار ازاماتتاردىڭ ءتىزىمىن جاساۋى ءتيىس. رەفەرەندۋمدى ازىرلەۋ مەن وتكىزۋدى وسك، اۋماقتىق سايلاۋ كوميسسيالارى مەن ۋچاسكەلىك سايلاۋ كوميسسيالارى جۇزەگە اسىرادى. ورتالىق رەفەرەندۋم كوميسسياسىنىڭ قىزمەتىن وسك اتقارادى.
«رەفەرەندۋم قۇرامىن، اۋماقتىق جانە ۋچاسكەلىك كوميسسيالارىن جاريالاۋ مەرزىمدەرى، كوميسسيالاردىڭ ورنالاسقان جەرى مەن جۇمىس ۋاقىتى تۋرالى مالىمەتتەر رەفەرەندۋم تاعايىندالعاننان كەيىن 10 كۇننەن كەشىكتىرىلمەي، ال ناقتى ايتقاندا، 15 مامىردان كەشىكتىرىلمەي باق-تا جاريالانۋى ءتيىس. ءدال وسىنداي مەرزىمدە اكىمدەر باق-تا رەفەرەندۋم ۋچاسكەلەرىنىڭ شەكارالارى تۋرالى اقپاراتتاردى جاريالاۋى ءتيىس.
ۇگىت جارلىق ەنگىزىلگەن ساتتە باستالىپ، 4 ماۋسىمدا اياقتالادى.
رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردىڭ تىزىمدەرىنە اكىم قول قويادى جانە داۋىس بەرۋ باستالعانعا دەيىن 20 كۇن بۇرىن، 15 مامىردان كەشىكتىرمەي اكت بويىنشا ۇسىنىلادى» دەپ حابارلادى پەتروۆ.
20 مامىردان باستاپ ءاربىر ازامات كەلىپ، تىزىمنەن ءوزىن تەكسەرە الادى. ۋچاسكەلىك رەفەرەندۋم كوميسسياسى داۋىس بەرۋ ۋاقىتى مەن ورنى تۋرالى ازاماتتاردى داۋىس بەرۋگە كەمىندە 10 كۇن قالعاندا، ياعني 25 مامىردان كەشىكتىرمەي حاباردار ەتۋى قاجەت.
«اۋماقتىق سايلاۋ كوميسسياسى باسقاشا بەلگىلەمەسە، ۋچاسكەلىك كوميسسيالار جەرگىلىكتى ۋاقىت بويىنشا ساعات 07.00-دەن 20.00-گە دەيىن وتكىزۋى ءتيىس» دەپ ءتۇسىندىردى پەتروۆ.
دەرەككوز
