ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىرعىز دەپۋتاتى رەسەيدەن كوشىرىلگەن ب ا ق تۋرالى زاڭعا قارسى شىقتى

06 اقپان 2024 49
قىرعىز جوعارعى كەڭەسىنىڭ دەپۋتاتى جانار اقايەۆ ب ا ق تۋرالى زاڭ جوباسىنىڭ شيكى ەكەنىن ايتتى. بۇل تۋرالى ول پارلامەنتتىڭ كونستيتۋسيالىق زاڭناما، مەملەكەتتىك قۇرىلىم، سوت-قۇقىقتىق ماسەلەلەر جانە رەگلامەنت جونىندەگى كوميتەتىنىڭ وتىرىسىندا ءمالىم ەتتى.

ونىڭ ايتۋىنشا، قۇجات جۋرناليستەردىڭ لاۋازىمدى تۇلعالاردان اقپارات الۋ قۇقىعىن شەكتەيدى.
«ولار بارلىق مەملەكەتتىك ورگانداردان اككرەديتاسيا الۋى كەرەك. سوندا نە ءۇشىن جۇمىس ىستەۋ كەرەك؟ مەن زاڭ جوباسىن تالداپ شىقتىم. ونىڭ 95 پايىزى رەسەيلىك انالوگتاردان كوشىرىلگەن. بۇل نىساندا قۇجات قابىلدانبايدى. مۇنداي ماسەلەلەر قوعامدىق تالقىلاۋ ارقىلى شەشىلۋى ءتيىس. جۇرتشىلىق پەن ب ا ق وكىلدەرىنىڭ قاتىسۋىمەن دوڭگەلەك ۇستەلدەر وتكىزىلدى، ءبىراق ولاردىڭ پىكىرلەرى تىڭدالمادى. مينيسترلەر كابينەتىمەن ورتاق پىكىرگە كەلۋىمىز كەرەك. زاڭ قابىلدانسا، كوپتەگەن ب ا ق جابىلادى»، – دەگەن دەپۋتات بۇل ماسەلەنى كۇن تارتىبىنەن الىپ تاستاۋدى ۇسىندى.

مادەنيەت ءمينيسترى التىنبەك ماقسۇتوۆ اككرەديتتەۋ ماسەلەسى بويىنشا ايتىلعان پىكىرلەر مەن ۇسىنىستار ەسكەرىلىپ، پىسىقتالعان جوباعا ەنگىزىلگەنىن ايتتى. «ءبىز بارلىق ايتىلعان ۇسىنىستاردى ەسكەردىك، سوندىقتان قۇجاتتى قولداۋلارىڭىزدى سۇرايمىن»، - دەدى ول.

دەپۋتاتتار جانار اقايەۆتىڭ ۇسىنىسىن قولداپ، زاڭ جوباسىن كەڭىنەن قوعامدىق تالقىلاۋدان وتكىزۋ تۋرالى ۇسىنىسپەن ماسەلەنى كۇن تارتىبىنەن الىپ تاستادى.

فوتو: kg.akipress
بۇل ماقالا تۋرالى نە ويلايسىز؟