ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قۇلىبايەۆ لوندونداعى ءزاۋلىم ءۇيىن 19 ميلليارد تەڭگەگە ساتتى

10 مامىر 2024 201

تيمۋر قۇلىبايەۆ ناۋرىزدىڭ سوڭىندا لوندونداعى ءزاۋلىم ءۇيىن 34،7 ملن فۋنتقا ساتتى. بۇل تۋرالى ازاتتىق راديوسى مالىمدەدى.

بۋكينگەم سارايىنان نەبارى بىرنەشە مينۋت جەردە ورنالاسقان، Upper Grosvenor Street، 41 مەكەنجايىندا ورنالاسقان باسپانانى Deutsche Bankء-تىڭ جىلجىمايتىن مۇلىك سالاسى بويىنشا ەرەكشە جاعداي جونىندەگى ءبولىمنىڭ بۇرىنعى ديرەكتورى بەن ۋيليامس نەگىزىن قالاعان North Wind Capital ينۆەستيسيالىق كومپانياسى ساتىپ العان. اتالعان كومپانيا ونى قايتا جوندەگىسى كەلەدى دەپ جازدى Financial Times.

قۇلىبايەۆ Upper Grosvenor Street، 42 مەكەنجايىندا ورنالاسقان كورشى عيماراتتى دا ساتقىسى كەلەدى. الايدا ازىرگە ساتىپ الۋشى تابا الماعان. 

“ۇلىبريتانيا ۇكىمەتى جىلجىمايتىن مۇلىككە قاتىستى اشىقتىقتى بۇزعان سوڭ مالىمەتتەر قۇلىبايەۆتىڭ 2023 جىلى Upper Grosvenor Street 41 مەكەنجايىنا يەلىك ەتەتىن بريتاندىق ۆيرگين ارالدارىنداعى Merix International Ventures كومپانياسىنىڭ يەسى رەتىندە تىركەلگەنىن كورسەتتى. بىلتىر جەلتوقسان ايىندا قۇلىبايەۆ ليۋكسەمبۋرگتە ورنالاسقان Vitala Investment Holdings كومپانياسىنىڭ سوڭعى بەنەفيسيار يەسى، Upper Grosvenor Street، 42 ءۇيىنىڭ يەسى رەتىندە تىركەلگەن. باسىلىم قۇلىبايەۆ پەن North Wind Capital وكىلدەرىنىڭ كەلىسىمگە قاتىستى پىكىر بىلدىرۋدەن باس تارتقان” دەپ جازدى باسىلىم.

بۇل ماقالا تۋرالى نە ويلايسىز؟