ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شارشادىم: ماقپال ءجۇنىسوۆا زامانبەك نۇرقادىلوۆتەن كەشىرىم سۇرادى (ۆيدەو)

09 مامىر 2024 1833

زامانبەك ءنۇرقادىلوۆتىڭ ءۇيىن ساتامعا شىعارعالى جاتقان ماقپال ءجۇنىسوۆانىڭ داۋسىنا ۇقساس ايەل ادامنىڭ ۆيدەوسى جەلىنى شۋلاتتى.

بەينەجازبا اۋەلى ماقپال ءجۇنىسوۆانىڭ رەسمي پاراقشاسىنا شىعىپ، كەيىن ءوشىرىلدى. داۋىس يەسى ۆيدەودان كورىنبەي، كادر سىرتىندا سويلەدى.

"زاكە، سەن مەنى كەشىر. مەن شارشادىم. مەنىڭ سەنىڭ دۇنيەڭدى ساقتاپ وتىرعانىما 20 جىل بولادى ەكەن. كەشىر مەنى. ەگەر دە ۇكىمەت سەنىڭ دۇنيەڭدى الىپ كەتپەيتىن بولسا، تۋعان تۋىسقانداردىڭ بارىنە تاراتىپ، مىنا ءۇيدى ساتامىن. ماعان وڭاي بولماي تۇر. سول ءۇشىن تويعا بارىپ ءجۇرمىن. اي سايىن ءسىزدىڭ ءۇيىڭىزدى ساقتاۋ ءۇشىن ءجۇز مىڭ تەڭگە كەرەك. بۇل جەردە ءبىز شومىلمايمىز دا، ساۋناعا دا تۇسپەيمىز. ەشقانداي زاتىڭىزدى پايدالانعان دا جوقپىز. بۇل ۇيگە گاز جۇرگىزىلمەگەن، زاكە. 20 جىل بويى ەكى ۇيگە 210 مىڭ تەڭگەدەن تولەپ كەلە جاتىرمىن. ەكى ۇيگە دە گاز جۇرگىزىلمەگەن. مەن جىلاعىم كەلەدى، شارشادىم، زاكە"، - دەيدى ۆيدەوداعى ماقپال ءجۇنىسوۆانىڭ داۋسىنا ۇقساس ايەل.

 

بۇل ماقالا تۋرالى نە ويلايسىز؟