ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قۋاندىق بيشىمبايەۆ پەن ونىڭ ادۆوكاتتارى ارۋاقتى قورلاۋدان شوۋ جاسادى" - جۋرناليست ءاسيا باعداۋلەت قىزى

03 ءساۋىر 2024 156
جۋرناليست، كينوسىنشى ءاسيا باعداۋلەت قىزى قۋاندىق بيشىمبايەۆ ىسىنە قاتىستى بولىپ جاتقان سوت وتىرىسىن سىنعا الىپ،قۇقىق قورعاۋشىلاردىڭ ىس-ارەكەتىن ايىپتادى، دەپ حابارلايدى Alash.KZ ۇلتتىق پورتالى. 
 
جۋرناليست، تانىمال كينوسىنشى ءوزىنىڭ الەۋمەتتىك جەلىدەگى جازباسىندا بيشىمبايەۆ ىسىنە قاتىستى سوت وتىرىسىن ساراپتاپ، وتىرىستىڭ كەرەعارلىعىن يzءرايلدىڭ پالەsتيناعا جاساپ وتىرعان قىسىمىنا تەڭەدى.
قۋاندىق بيشىمبايەۆ پەن ونىڭ ادۆوكاتتارى ارۋاقتى قورلاۋدان شوۋ جاسادى. قورلاتىپ قويىپ ءبارىمىز قاراپ وتىردىق. بيشىمبايەۆتىڭ سوتى - ەلدەگى مورالدىق جاعدايدىڭ لاكمۋس قاعازى ىسپەتتى. قانداي شەشىم شىعارىلسا دا بۇل ىسكە ءالى تالاي ورالامىز. سوندىقتان پىكىرىم ءبىرجاقتى بولماسىن، جۇرتتىڭ كونتەكستەن جۇلىپ الىپ ايتىپ جاتقان سوزىنە ەرىپ كەتپەيىن دەپ سوت ءىسىن باسىنان باستاپ مۇقيات تىڭداپ كەلەمىن. بۇگىن ايىپتالۋشى ءوز ءنارراتيۆىن ساتپاق بولدى. سول ءۇشىن ءوزىن اسا سابىرلى، راسيونال، اقىلدى، مەيىرىمدى (پەرىشتە مە دەرسىڭ)، ال ءوزى ۇرىپ ولتىرگەن جارىن القاش، پسيحيكالىق اۋىتقۋى بار، كوڭىل-كۇيى قۇبىلمالى، تۇراقسىز بولعان دەپ كورسەتۋى، ءتىپتى جاستايىنان وتباسىلى ەركەكتەرمەن اقشا ءۇشىن كوڭىل قوسقان دەگەن جالاسى - سونىڭ ءبارىن ايتىپ تۇرعان اۋىزدىڭ قانشالىقتى ارسىز ەكەنىنىڭ عانا دالەلىندەي اسەر ەتتى. ايتقان سوزىندە دالەل دە، دايەك تە جوق. ءسال بولسا، "ول مەنى ۇراتىن، قورعانۋ ءۇشىن ءولتىردىم" دەۋگە دايىن تۇر. (مارقۇمعا قول كوتەرگەنىنىڭ دالەلى بار ەكى جاعدايدى عانا مويىنداپ تۇر، امالسىز). ينتەرنەتتى كەزگەن، شىبىقتاي ايەلىن شاپالاقپەن قۇلاتىپ، قۇلاعان جەرىنەن تۇرعىزىپ الىپ تۇرىپ ساباپ جاتقانى قايدا قالدى؟ بۇكىل ەل كورىپ وتىر عوي، - دەدى جۋرناليست.
كەيىننەن اۆتور جاۋىزدىقتى ايىپتاسا دا، كوپ جاعدايدا قارەكەتسىز قالاتىن "ادام تابيعاتىنا" توقتالدى:
تۋرا ءيزرايلدىڭ پالەستيناعا جاساپ وتىرعان گازلايتينگى سياقتى. جاۋىزدىقتى ايداي الەم كورىپ وتىر، ال كۇش كورسەتۋشى ءوزىن قۇربان (ۆيكتيم) رەتىندە كورسەتىپ الەك. جاماناتتى قىلىپ جاتقان ادامى جاۋاپ بەرە المايتىنى قانداي ىڭعايلى. "جوق، ولاي بولعان جوق، بىلاي بولدى" دەپ ايتاتىن ادامنىڭ كوزىن قۇرتىپ، ەكەۋى عانا بىلۋگە ءتيىس جاعدايلاردى قۇيقىلجىتا سيپاتتاۋ قانداي وڭاي. ارينە، "ماعان سالتانات ءوزى ايتتى، ءوزى بۇيدەدى، ءوزى سويدەدى" دەپ وڭدى-سولدى سايراي بەرەدى، شىن ايتتى ما، مۇنىسى شالىقتاعان قيال ما - ەشكىم دالەلدەي المايدى...قىسقاسى، جاراتقان ءبارىمىزدى وسىندايلاردان ساقتاسىنشى. ومىردە سونداي ارسىزدىق بار ەكەنىن ءبىلۋ قانداي قورقىنىشتى ەدى، - دەپ جازدى اۆتور.
 
بۇل ماقالا تۋرالى نە ويلايسىز؟