ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قورعاس ءىسى" قايتا قوزعالدى. قوجامجاروۆ قايدا ءجۇر؟

09 قاڭتار 2024 52


قورعاس كەدەنىندەگى بىلىق-شىلىقتىڭ شۋى قايتادان ەكپىن العان سياقتى. قازتاگ اقپارات كوزىنىڭ دەرەگىنە قاراعاندا، ەكس-سەناتور ءارى ەكس-باس پروكۋرور قايرات قوجامجاروۆتىڭ قاراماعىندا قىزمەت ەتكەن تاعى ءبىر كۇدىكتى ۇستالعان.

«8 قاڭتار سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالالىق دەپارتامەنتىنىڭ بۇرىنعى قىزمەتكەرى كەنجەباي جۇمابەكوۆ ۇستالدى. ول «قورعاس ءىسى» بويىنشا قاتىسۋشى ءارى ورىنداۋشى بولعان»، – دەپ حابارلاعان اقپارات كوزى.



اقپارات جەتكىزۋشىنىڭ دەرەگىنشە، جۇمابەكوۆ – قارجى پوليسياسىنىڭ بۇرىنعى اگەنتى، ءقازىر قاڭتار ءىسى بويىنشا تەرگەلىپ جاتقان تالعات ماحاتوۆتىڭ («بەتون») جاقىن دوسى.


وتكەن جىلدىڭ سوڭىندا قارجى پوليسياسىنىڭ تاعى ءبىر بۇرىنعى قىزمەتكەرى ۇلان مادييەۆ ۇستالعان بولاتىن. ونىڭ ءاتى-جونى «قورعاس ءىسى» بويىنشا كۇدىكتى دەپ تانىلعان قىزداردىڭ زورلانۋىنا بايلانىستى ايتىلادى.

«سونداي-اق بۇل ىستە ۇ.مادييەۆتەن بولەك، قارجى پوليسياسىنىڭ بۇرىنعى شەندىسى ءارى قوجامجاروۆتىڭ «سەرىگى» تالعات تاتۋبايەۆتىڭ جانە قارجى پوليسياسىنىڭ الماتى وبلىسى بويىنشا دەپارتامەنتىنىڭ بۇرىنعى باستىعى سەرگەي ءپوتانيننىڭ اتى-جوندەرى بار. مادييەۆ، تاتۋبايەۆ، دۇيسەنوۆتەر قورعاستاعى كونتراباندادان پايدا كورگەندەر رەتىندە اتالسا، ال قوجامجاروۆ بۇل قىلمىستىق جۇيەدەگى ەڭ باستى پايدا كورۋشى رەتىندە اتالعان»، – دەپ جازدى قازتاگ.

بۇرىنىراقتا ناۋرىزباي اۋدانىنىڭ بۇرىنعى پروكۋرورى ۆيكتور تيحونوۆ «قورعاس ءىسى» بويىنشا نەگىزگى كۋاگەردىڭ اتىشۋلى ولىمىنە قوجامجاروۆتىڭ ادامدارىنىڭ قاتىسى بولۋى مۇمكىن ەكەنىن ايتقان بولاتىن.

بۇدان بىرنەشە جىل بۇرىن ەلدى دۇرلىكتىرگەن «قورعاس ءىسى» قايتادان ەكپىن الا باستاعانداي. جانە دە بۇل ءىستىڭ ءتۇيىنى قوجامجاروۆقا جاقىنداپ قالعانداي كورىنەدى...

بۇل ماقالا تۋرالى نە ويلايسىز؟