ءماجىلىس دەپۋتاتى گۇلدارا نۇرىموۆا توعىزقۇمالاق سپورتىنىڭ اتاۋىن وزگەرتۋدى ۇسىنىپ وتىر، دەپ حابارلايدى Alash.KZ ۇلتتىق پورتالى.
"بۇگىندە توعىزقۇمالاق ويىنىن نەگىزىنەن قازاق جانە قىرعىز حالىقتارى باسەكەلەسە دامىتىپ وتىرعانىنا وراي، ويىننىڭ نەگىزگى ەكى اتاۋى ورنىعىپ وتىر: قازاقشا – توعىزقۇمالاق، قىرعىزشا – توعىزكورگول، ءىشىنارا تۇرىكشە - مانگالا/گەچيۋرمە اتالادى. قازاقستان تاراپى حالىقارالىق جارىس وتكىزگەندە، ويىننىڭ اتى "توعىزقۇمالاق" اتالادى دا، قىرعىزستان جاعى جارىس ۇيىمداستىرعاندا، بۇل ويىن "توعىزكورگول" بولىپ شىعا كەلەدى. وسىلايشا، تۇركى حالىقتارىنىڭ ءبىر ويىنى الەمدىك ارەنادا ەكى ءتۇرلى اتالىپ كەلەدى. عالىمدار مەن زەرتتەۋشىلەردىڭ پىكىرى بويىنشا بۇل ويىننىڭ جالپىتۇركىلىك اتاۋى بار، ول – توعىزات"، - دەدى دەپۋتات.
سونىمەن قاتار، بۇل تۋرالى ەتنوگراف گ.زاگرياجسكييدىڭ جاساعان ەڭبەگى ارقىلى ويىننىڭ اتاۋى XIX-عاسىردا "توعىزات" اتالعانى ءمالىم بولىپ وتىر.
"وسىلايشا، توعىزقۇمالاقتىڭ بۇرىنعى اتاۋى "توعىزات" ەكەندىگىن بىلدىرەتىن قاراقالپاق جانە قىرعىز ەلدەرىننىڭ ويىندارىنىڭ اتاۋىنا كەزدەستىرۋگە بولادى. وسى دەرەكتەردى ەسكەرە وتىرىپ، الداعى Vء-شى دۇنيەجۇزىلىك كوشپەندىلەر ويىنىنا دەيىن جالپىتۇركىلىك بۇل زياتكەرلىك سپورتتىڭ اتاۋىن ورتاق نۇسقامەن "توعىزات" اتاۋىن قالىپتاستىرۋ شارالارىن قولعا الۋدى ۇسىنامىز"، - دەدى گۇلدارا نۇرىموۆا.
