ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاننىڭ ۋكرايناداعى ەلشىسى شۇعىل مالىمدەمە جاسادى

23 اقپان 2022 74

قازاقستاننىڭ ۋكرايناداعى جانە مولدوۆا رەسپۋبليكاسىنداعى توتەنشە جانە وكىلەتتى ەلشىسى دارحان قالەتايەۆ شۇعىل مالىمدەمە جاسادى.

ول ينفورمبيۋرو باعدارلاماسىنا بەرگەن سۇحباتىندا، ەلدەگى جاعداي تۇراقىت ەكەنىن ايتتى. الايدا، سوعىس بولجانعاندىقتان، ەلدەگى ەكونوميكا قۇلدىراي باستاعان.

«ۋكراينادا بولىپ جاتقان جاعدايدى وزدەرىڭىز كورىپ، ءبىلىپ وتىرسىزدار. بۇل ماسەلەلەر ۋكراينا ەكونوميكاسىنا وتە كۇردەلى وزگەرىستەر ەنگىزىپ جاتىر. بۇگىنگى تاڭدا، ارينە، حالىقتىڭ كوڭىل-كۇيى ءتۇسىپ كەتكەن. بىرەۋ ۇيىڭە ەسىگىڭدى تەۋىپ كىرىپ جاتسا، قانداي سەزىمدە بولار ەدىڭ» دەدى دارحان قالەتايەۆ. 

ونىڭ ايتۋىنشا، كييەۆتە ءقازىر تىنىش. ەلشى «سوعىس بولىپ جاتىر» دەگەن بوس ءسوز دەپ سەندىردى. ۋكراينادا ءقازىر ەكى مىڭ قازاقستاندىق تىركەۋدە تۇر.

«ولاردىڭ بارىمەن تىكەلەي حاباردامىز. ءقاۋىپ تونگەن جاعدايدا قالاي جۇمىس ىستەۋىمىز كەرەك ەكەنى جونىندە جوسپارىمىز بار. قازاقستاننىڭ سىرتقى ىستەر مينيسترلىگىمەن بۇل ماسەلە كەلىسىلگەن. ارينە، ەڭ باستىسى – اۋە جولى. ءقازىر عانا Air Astana اۋە كومپانياسىنىڭ باسشىلىعىمەن تىكەلەي تەلەفون ارقىلى كەلىسسوز جۇرگىزدىم. قالاي جۇمىس ىستەۋىمىز كەرەك ەكەنى جونىندە تولىق تۇسىنىك بار. ەگەر اۋە جولى جابىلسا، باسقا دا جولدار بار» دەدى قالەتايەۆ.

ەسكە سالساق، بۇعان دەيىن ۋكراينانىڭ سىرتقى ىستەر ءمينيسترى رەسەيدىڭ بۇرىنعى كەڭەس وداعىن قۇرۋعا تىرىسىپ جاتقانىن مالىمدەگەن.



دەرەككوز
بۇل ماقالا تۋرالى نە ويلايسىز؟