ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستانعا تاجىكستاننان 3500 توننا گۋمانيتارلىق كومەك جەتتى

20 ءساۋىر 2024 178

2024 جىلعى 20 ءساۋىر كۇنى تاجىكستان رەسپۋبليكاسىنان سۋ تاسقىنى سالدارىنان توتەنشە جاعدايلاردان زارداپ شەككەن قازاقستان حالقىنا 61 ۆاگون گۋمانيتارلىق كومەك كەلدى، دەپ حابارلايدى Alash.KZ ۇلتتىق پورتالى تۇركىستان وبلىسى اكىمدىگىنىڭ باسپا ءسوز قىزمەتىنە سىلتەمە كورسەتە وتىرىپ. 

اتالعان جۇك تۇركىستان وبلىسى، سارىاعاش اۋدانىنىڭ «سارىاعاش» تەمىر جول ستانسياسىنا كەلىپ جەتتى. سونىمەن بىرگە تاجىكستاننان 15 جۇك كولىگىنە تيەلگەن كومەك تە ەلىمىزگە جەتكىزىلدى. تاجىكستاننان جالپى 3500 توننا گۋمانيتارلىق كومەك قابىلداندى.گۋمانيتارلىق كومەكتى تاجىكستان رەسپۋبليكاسىنىڭ توتەنشە جاعدايلار جانە ازاماتتىق قورعانىس كوميتەتىنىڭ ءتوراعاسى، ميليسيا گەنەرال - پولكوۆنيگى رۋستام نازارزودا باستاپ كەلدى. تاجىكستان رەسپۋبليكاسىنىڭ ۇكىمەتى جانىنداعى مەملەكەتتىك ماتەريالدىق رەسۋرستار اگەنتتىگى ديرەكتورىنىڭ ورىنباسارى سوحيب زيودۋللويەۆ گۋمانيتارلىق كومەك تۋرالى قۇجاتتى سالتاناتتى تۇردە تاپسىردى.

– قازاقستانداعى قيىن جاعداي ءبىزدىڭ دە جانىمىزعا باتتى. بەيجاي قاراپ وتىرا المادىق. ءبىزدىڭ ەلىمىزدە كۇردەلى ماسەلە تۋىنداسا، ەڭ كوپ كومەك جولدايتىن ەل – قازاقستان. سوندىقتان تاجىكستان رەسپۋبليكاسىنىڭ پرەزيدەنتىنىڭ شەشىمىمەن وسى گۋمانيتارلىق كەرۋەندى جەتكىزىپ وتىرمىز. ءبىز ستراتەگيالىق سەرىكتەس ەلدەر رەتىندە ءبىر-بىرىمىزدى قولداپ تۇرۋىمىز كەرەك، – دەدى رۋستام نازارزودا.

دەلەگاسيانى قازاقستان رەسپۋبليكاسى توتەنشە جاعدايلار ۆيسە-مينيسترى سەرىك تولەنبەرگەنوۆ پەن تۇركىستان وبلىسى اكىمىنىڭ ورىنباسارى بەيسەنباي تاجىبايەۆ باستاعان وبلىس تۇرعىندارى كۇتىپ الدى.

اتالعان ءىس-شاراعا سارىاعاش اۋدانىنداعى تاجىك ەتنوسىنىڭ وكىلدەرى، سارىاعاش اۋدانىنىڭ اقساقالدارى مەن اق جاۋلىقتى انالار دا قاتىستى. گۋمانيتارلىق كومەكتى باستاپ كەلگەن تاجىكستان رەسپۋبليكاسىنىڭ وكىلدەرىنە قۇرمەت كورسەتىلدى. قۇرىلىس ماتەريالدارى مەن ازىق-تۇلىك تيەلگەن گۋمانيتارلىق كەرۋەن سۋ باسقان ايماقتارعا جىبەرىلەدى.

بۇل ماقالا تۋرالى نە ويلايسىز؟