ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستانعا كومەك كورسەتكەن قىرعىزستاننىڭ ءۇش وبلىسىندا توتەنشە جاعداي جاريالاندى

24 ءساۋىر 2024 166

قىرعىزستاننىڭ وش وبلىسىندا توتەنشە جاعداي جاريالاندى. سەل سالدارىنان ءبىر وتباسىنىڭ قازا تاپقانى ايتىلدى، دەپ حابارلايدى Alash.KZ ۇلتتىق پورتالى.

قىرعىزستاننىڭ ءۇش وبلىسىندا توتەنشە جاعداي رەجيمى ەنگىزىلدى. بۇل تۋرالى بريفينگتە تجم باسشىسىنىڭ ورىنباسارى ۋرماتبەك شامىرقانوۆ مالىمدەدى. ونىڭ ايتۋىنشا، تجم باسشىسى بولوتبەك ەركەيەۆ قۇتقارۋشىلارمەن بىرگە قازىرگى ۋاقىتتا ەلدىڭ وڭتۇستىگىندە ءجۇر.

قىرعىزستاننىڭ بىرنەشە ايماعىندا سەل ءجۇرىپ جاتىر. تجم مالىمەتتەرى بويىنشا، ءۇش كۇن ىشىندە قىرعىزستاندا 40-تان استام سەل اعىنى تىركەلگەن. 20 ساۋىردەن باستاپ ۇزدىكسىز جاڭبىر جاۋىپ،وش، باتكەن، جالال-اباد جانە تالاس وبلىستارىنداعى ونداعان ەلدى-مەكەندەرگە زاردابىن تيگىزگەن. وش وبلىسىندا 171 القاپ،جالال-اباد وبلىسىندا-122، تالاس وبلىسىندا - 202 تۇرعىن ءۇي جانە اۋلا سۋ استىندا قالعان.

ال ءبىر اۋىلدا سەلگە قارسى بوگەتتى سۋ بۇزىپ كەتكەن. «كۋرسيۆ» پورتالىنىڭ حابارلاۋىنشا، ەلدەگى تاس جولداردىڭ بىرىندە كولىكپەن كەلە جاتقان ءبىر وتباسى قازا تاپقان.

جەرگىلىكتى سينوپتيكتەر اپتا بويى جاڭبىر جاۋاتىنىن حابارلاندى. 

ەستەرىڭىزدە بولسا، ءبىز قىرعىزستاننىڭ توتەنشە جاعدايلار مينيسترلىگى سۋ تاسقىنىنان زارداپ شەككەن قازاقستاندىقتارعا كومەك رەتىندە «جاردەم كەرۋەنى» اتتى گۋمانيتارلىق جۇكتىڭ ەكىنشى پارتياسىن جونەلتكەنىن جازعانبىز.

ەكىنشى گۋمانيتارلىق جۇك قىرعىزستاندا وندىرىلگەن ءسۇت ونىمدەرىنەن قۇرالعان ەدى. اتاپ ايتقاندا،10 مىڭ ليتر ايران، 14،2 مىڭ قوراپ قايماق، 10 مىڭ ليتر سارى ماي مەن وسىمدىك مايى، 20 توننا گوللاند ىرىمشىگى، 80 توننا مايسىزداندىرىلعان قۇرعاق ءسۇت.

«جۇك قىرعىز حالقىنىڭ كۇشىمەن جينالدى، پرەزيدەنتتىڭ رەزەرۆتىك قورىنان قوسىمشا قاراجات ءبولىندى» دەپ حابارلادى توتەنشە جاعدايلار مينيسترلىگى.

مۇنىمەن قوسا، ءساۋىر ايىنىڭ باسىندا جامبىل وبلىسىنا قىرعىزستاننان العاشقى گۋمانيتارلىق جۇك – 300 توننا جۇك تيەگەن 15 جۇك كولىگى كەلدى. جۇك قازاقستاننىڭ ءتورت وبلىسىنا ءبولىندى.

داستان قاستاي

 

بۇل ماقالا تۋرالى نە ويلايسىز؟