"تەلەراديو حابارلارىن تاراتۋ جەلىلەرىندە جوسپارلى-پروفيلاكتيكالىق جۇمىستار 2022 جىلدىڭ 20 ءساۋىرى ساعات 03:00 مەن 17:00 ارالىعىندا (نۇر-سۇلتان قالاسىنىڭ ۋاقىتىمەن) جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى. وسىعان بايلانىستى، ياعني جۇمىستار جۇرگىزىلگەن ۋاقىتتا قازاقستاننىڭ بارلىق اۋماعىندا تەلەراديوارنالاردى رەترانسلياسيالاۋ ۋاقىتشا توقتاتىلادى"، - دەلىنگەن حابارلامادا.
"قازتەلەراديو" اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەتىنىن ايتا كەتەيىك.
"بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت، ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى، سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جۇزەگە اسىرىلادى. ۋاقىتشا قولايسىزدىقتار ءۇشىن كەشىرىم وتىنەمىز"، - ۇلتتىق وپەراتور وكىلدەرى.
