ساراپشىلار جىل سايىنعى ازىق-تۇلىك تاۋارلارىنىڭ بارلىق تۇرلەرىندە باعانىڭ ايتارلىقتاي ءوسۋى بايقالعانىن ايتتى.
قازاقستاندا 2022 جىلدىڭ ناۋرىز ايىندا ازىق-تۇلىك تاۋارلارىنىڭ باعاسى 5،8% وسكەن، ال جىلىنا 15،4%-عا كوتەرىلگەن. جىلعا شاققاندا، باعانىڭ قىمباتتاۋى اقتوبە وبلىسىندا (18،5%) تىركەلدى. تۇركىستان وبلىسى مەن شىمكەنتتە باعا – 17،2%-عا، جامبىل وبلىسىندا – 16،7%-عا قىمباتتاعان.
جەمىستەر مەن كوكونىستەر 25،9%-عا، قانت، توساپ، بال، شوكولاد جانە كونديتەرلىك ونىمدەر – 24،7%-عا، مايلار مەن توڭمايلار – 17،4%-عا، نان ونىمدەرى مەن جارما – 13،6%-عا، بالىق جانە تەڭىز ونىمدەرى – 13،1%-عا قىمباتتاعان. ساراپشىلاردىڭ زەرتتەۋىنشە، ەت ونىمدەرى – 12،9%-عا، ءسۇت ونىمدەرى 11،8%-عا قىمباتتاعان.
1-12 ءساۋىر ارالىعىندا الەۋمەتتىك ماڭىزى بار ازىق-تۇلىك تاۋارلارىنا تىكەلەي مەملەكەت باقىلايتىن جانە رەتتەيتىن باعالار تاعى 1،8%-عا، ال جىل باسىنان وسى كۇنگە دەيىن بىردەن 13،4%-عا كوتەرىلگەنى ايتىلدى.
دەرەككوز