ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندا شەتەلدىك بانكتەر كوبەيۋى مۇمكىن

29 ناۋرىز 2024 115

قازاقستاندا شەتەلدىك بانكتەر كوبەيۋى مۇمكىن.بۇل تۋرالى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى نۇرلان ءابدىراحمانوۆ سەنات قابىرعاسىندا مالىمدەدى.

Qazaqstan.tv مالىمەتىنشە، ءقازىر جۇڭگو، وڭتۇستىك كورەيا جانە تۇركيا ەلدەرىنىڭ قارجى ۇيىمدارىمەن كەلىسسوز ءجۇرىپ جاتىر. اگەنتتىك ينۆەستورلار ءۇشىن قازاقستان نارىعىنا كىرۋ تالاپتارىن بارىنشا جەڭىلدەتپەك. شەتەلدىك بانكتەردىڭ كوبەيۋىنەن سالادا باسەكەلەستىك ارتىپ، بازالىق مولشەرلەمە تومەندەيدى دەگەن بولجام بار.

قازاقستاندىق نارىققا كىرۋگە قىزىعۋشىلىق تانىتىپ جاتقاندار بار. مۇنى ىسكە اسىرۋ ءۇشىن بانك سەكتورىنداعى كەيبىر كەدەرگىنى الىپ تاستاپ، زاڭعا ءبىرقاتار وزگەرىس ەنگىزۋ كەرەك. ولار قازاقستان بەكىتكەن بازالىق ستاۆكا بويىنشا جۇمىس ىستەيدى. سەبەبى، نەسيە تەڭگەمەن بەرىلەدى. جالپى وتاندىق بيزنەستى قارجىلاندىرۋ ءۇشىن قوسىمشا قارجى كوزى ارتىق ەتپەيدى،دەيدى ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى نۇرلان ءابدىراحمانوۆ.
بۇل ماقالا تۋرالى نە ويلايسىز؟