ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"قازاق حالقىن قۋانتقىم كەلدى": ابزال اجىعالييەۆ بەيجىڭ وليمپياداسىن قورىتىندىلادى

14 اقپان 2022 76
شورت-ترەكتەن قازاقستان كومانداسىنىڭ كوشباسشىسى ابزال اجىعالييەۆ 500 مەترگە جۇگىرۋدەن بەيجىڭ وليمپياداسىندا ءتورتىنشى ورىن الدى. جارىستان سوڭ سۇحبات بەرگەن سپورتشى فينالدا بار كۇشىن سالعانىن ايتتى، دەپ جازادى Alash.kz پورتالى Olympic.kz رەسمي سايتىنا سىلتەمە جاساپ.
«وليمپياداعا ىرىكتەۋ مەن ءۇشىن قيىن ءوتتى. سەبەبى، وسىنىڭ الدىنداعى ماۋسىمدى دەنساۋلىعىما بايلانىستى دۇرىس وتكىزە الماعان ەدىم. مەنىڭ سپورتتاعى ەڭ ۇلكەن ارمانىم – شورت-ترەكتى دامىتۋ ەدى. قازاق بالالارى قىسقى سپورتتا ءالسىز دەگەن ستەرەوتيپتى بۇزعىم كەلدى. ءبىزدىڭ دە كونكي تەۋىپ، سىرعاناي الاتىنىمىزدى كورسەتكىم كەلدى.

جانكۇيەرلەر جازعى سپورت تۇرلەرىندەگى اتلەتتەردى بىردەن تانىپ جاتادى. ال قىسقى سپورتتا قانشا جۇلدە الىپ جۇرسە دە، شورت-ترەكشىلەر تاسادا قالىپ قويادى. باستى ماقساتىم – جانكۇيەرى وسى ويدان ارىلتۋ بولدى. ەلىمىزدەگى ەڭ جاس سپورت تۇرلەرىنىڭ ءبىرى ەكەنىنە قاراماستان، ءبىزدىڭ شورت-ترەكشىلەر الەم كۋبوگى كەزەڭدەرىندە ۇنەمى جۇلدە الىپ ءجۇر. الەمدە العاشقى وندىققا ەنەمىز. بۇل ءداستۇر ودان ءارى جالعاسارىنا سەنەمىن.

ال بۇگىن قازاق حالقىن قۋانتقىم كەلدى. بار كۇشىمدى سالدىم. فينالعا دەيىن ەكى بىردەي وليمپيادا چەمپيونى جارىس جولىنان شىعىپ قالدى. وسىنداي باسەكەلەستىكپەن اقتىق سىنعا جەتكەنىم قۋانتادى. وكىنىشكە قاراي، مەدال بۇيىرمادى»،  - دەدى ابزال.
بۇل ماقالا تۋرالى نە ويلايسىز؟