قۇران كىتابىن ءۇش جىل بويى قولمەن جازىپ شىققان كالليگراف شەيح وسمان توحا (ۇلتى قازاق) شىمكەنت قالاسىنا كەلىپ، سەيىتجان قاري ەسجان ۇلى رۋحاني ورتالىعىنىڭ رەسمي اشىلۋ سالتاناتىنا قاتىستى.
سەيىتجان قاري ەسجان ۇلى اتىنداعى ۇلكەن مەشىت شىمكەنت قالاسىنىڭ جاڭا اكىمشىلىك-ىسكەرلىك ورتالىعىندا ورنالاسقان. مەشىت ىشىندە ءبىر مەزەتتە 12 مىڭعا جۋىق ادام ءمىناجات ەتە الادى. ال، مەشىتتىڭ كىرەبەرىس الاڭى 10 مىڭعا جۋىق ادامعا شاقتالعان.
قازاقستان – جۇرەگىندە قۇرانعا دەگەن ماحاببات بار حالىق ەكەن. وسىنداي حالىقتىڭ ورتاسىنا كەلگەنىمە قۋانىشتىمىن. ەكىنشى قۋانىشىم – بابامنىڭ كىندىك قانى تامعان جەرىنە العاش رەت كەلۋىم. بارشاڭىزعا العىسىمدى ايتقىم كەلەدى، - دەدى شەيح وسمان توحا.
جاسى 90-عا كەلگەن كالليگراف ساۋد ارابياسىندا تۇرادى، ۇلتى – قازاق. ول 1934 جىلى دۇنيەگە كەلگەن. اكەسى – شەيح ابدو يبن حۋسەين توحا مەشىت يمامى جانە ۋاعىزشى بولعان. كالليگرافيا ەرەجەسىن سول اكەسىنەن ۇيرەنگەن.
شەيح وسمان توحا ساۋد ارابياسىندا جىل سايىن ميلليونداعان تيراجبەن باسىلىپ شىعاتىن قۇران كىتابىن جانە ونىڭ بىرنەشە تىلدەگى اۋدارماسىن ءوز قولىمەن جازىپ شىققان.
ەستەرىڭىزدە بولسا، مەشىتتىڭ قۇرىلتايشىسى اتاقتى ميلليونەر سەرىكجان سەيىتجانوۆ. ءقايبىر جىلى سەيىتجانوۆتار قايرات ساتىبالدىنىڭ قىزىن كەلىن ەتىپ ءتۇسىرىپ، شىمكەنتتە استاتوك توي جاساپ، تويدى تۇرسىنبەك قاباتوۆ باسقارىپ، بىرنەشە توننا تورت تارتىلعان بولاتىن قوناقتارعا.
