ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قاسىم-جومارت توقايەۆ ابزال اجىعالييەۆكە قولداۋ جەدەلحاتىن جولدادى

15 اقپان 2022 83
پرەزيدەنت «بەيجىڭ-2022» XXIV قىسقى وليمپيادا ويىندارىنىڭ قاتىسۋشىسى ابزال اجىعالييەۆتى قولداپ، جەدەلحات جولدادى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي مالىمدەدى، دەپ جازادى Alash.kz. 
- قازاقستاندىقتار ءوزىڭنىڭ «بەيجىڭ-2022» XXIV قىسقى وليمپيادا ويىندارىندا كورسەتكەن ونەرىڭدى اسقان قىزىعۋشىلىقپەن تاماشالادى. وليمپيادانىڭ اشىلۋ سالتاناتىندا كوك تۋدى جەلبىرەتىپ الىپ شىقتىڭ. ءوز جانكۇيەرلەرىڭنىڭ سەنىمىن اقتاپ، شورت-ترەكتەن 500 مەترگە جۇگىرۋدە فينالدىق باسەكەگە دەيىن جەتىپ، ناتيجەسىندە 4-ورىن يەلەندىڭ. بۇل وسى سپورت سالاسى بويىنشا جوعارى كورسەتكىش ەكەنى انىق، – دەلىنگەن مەملەكەت باسشىسىنىڭ جەدەلحاتىندا.

قاسىم-جومارت توقايەۆ سپورتشىعا ءدۇبىرلى دودادا ناعىز ەرىك-جىگەر كورسەتكەنى جانە جەڭىسكە دەگەن ۇمتىلىسى ءۇشىن العىس ايتتى. سونداي-اق ونىڭ الداعى ۋاقىتتا ۇلكەن جەتىستىكتەرگە جەتىپ، وتانداستارىمىزدى قۋانتا بەرەتىنىنە سەنىم ءبىلدىردى.
بۇل ماقالا تۋرالى نە ويلايسىز؟