قۇقىق قورعاۋشىلار ۇلتتىق قاۋىپسىزدىك كوميتەتىنىڭ قىزمەتكەرلەرىن قىلمىستىق ىستەردى تەرگەۋدەن شەتتەتۋدى سۇراپ وتىر.
اقيقات كوميسسياسىنىڭ مۇشەسى، زاڭگەر گۇلايىم سىدىقوۆا ءقازىر ۇقك-دە سالعىرتتىققا قاتىستى سوتقا دەيىنگى تەرگەپ-تەكسەرۋلەر جۇرگىزىلىپ جاتىر دەگەن اقپارات جوق دەپ ەسەپتەيدى.
– قاڭتار وقيعاسىنىڭ ۇيىمداستىرۋشىلارى مەن قاتىسۋشىلارى – ۇقك مەن پوليسيا. ءبولىم قىزمەتكەرلەرىنىڭ عيماراتتارىن تاستاپ كەتۋىنە بايلانىستى، قىزمەتتەرىندەگى سالعىرتتىققا قاتىستى اقپارات جوق. ولار جوعارىدان بەرىلگەن وسىنداي بۇيرىقتى ورىنداماۋى كەرەك ەدى. ويتكەنى بۇل مەملەكەتتىك وپاسىزدىقپەن تەڭ. ولار انت قابىلدادى. الەۋمەتتىك جەلىلەردە قاماۋداعىلارعا قاتىستى ازاپتاۋلار قولدانىلىپ جاتقانى تۋرالى اقپارات بەلسەندى تۇردە تارالۋدا. كۇدىكتىلەردى پوليسەيلەر ازاپتاپ جاتقانى تۋرالى اقپارات بار. ولار تىكەلەي: «مەنىڭ ارىپتەسىم سەنىڭ كەسىرىڭنەن قايتىس بولدى» دەيدى. وسىعان بايلانىستى پوليسيا دا تەرگەۋ جۇرگىزبەۋى كەرەك، – دەيدى زاڭگەر ءارى كوميسسيا مۇشەسى گۇلايىم سىدىقوۆا.
قۇقىق قورعاۋشى ايمان ۋماروۆا الماتىداعى تارتىپسىزدىكتەرگە جۇڭگو، وزبەكستان جانە ساۋد ارابياسىنىڭ تۋمالارى قاتىسقانىن ايتتى.
– مەنىڭ ويىمشا، ۆەدومستۆوارالىق جەدەل-تەرگەۋ توبىنىڭ ىستەرى بويىنشا باسقا ەلدەردەن دە قاتىسۋشىلار بار. قاتىسۋشىلاردىڭ كوپشىلىگى تۇركىستان جانە الماتى وبلىستارىندا تۇردى. ولار سوندا تۇراقتى تۇردى ما، جوق پا، بىلمەيمىن. ءۇشىنشى ورىندا جامبىل وبلىسى. قىزىلوردا، ماڭعىستاۋ، قاراعاندى، تاعى باسقا قالالاردان ءبىر-ۇش ادام بار. قاڭتار وقيعاسىنا نەگىزىنەن قازاقتار مەن ۇيعىرلار قاتىستى. كوبىسىنىڭ تۋعان جەرى قازاقستان دەپ كورسەتىلگەن. ءبىراق مەن قاماۋداعىلاردىڭ اتا-اناسىنىڭ تۋعان جەرىن كورسەتۋدى سۇرادىم، – دەدى ايمان ۋماروۆا.
ادۆوكات ايمان ۋماروۆا پرەزيدەنت قاسىم-جومارت توقايەۆقا ۆەدومستۆوارالىق جەدەل-تەرگەۋ توبى جۇرگىزىپ جاتقان 225 قىلمىستىق ءىستى تەرگەۋگە رۇقسات بەرۋدى سۇرادى.
دەرەككوز
