قايرات ساتىبالدىنىڭ ىسىنە قاتىستى جاڭا اقپارات جاريالاندى

ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدى 2022 جىلدىڭ جازىنىڭ سوڭىندا بوستاندىققا شىعۋدى كوزدەپ وتىر.

قازتاگ-تىڭ دەرەككوزىنىڭ حابارلاۋىنشا، قايرات ساتىبالدىنىڭ ۇستانىمى – مەملەكەت وزىنە تالاپ ەتىپ وتىرعان دۇنيە-مۇلىكتى تۇگەلدەي تاپسىرىپ، قاجەتتى سومانى تولەۋ. بۇل سومالار مەملەكەتپەن كەلىسىلگەن بولسا، وندا ول بارلىق اقشانى، ايىپپۇلدى تۇگەل تولەپ، شىلدە-قىركۇيەك ايلارىندا بوستاندىققا شىعۋدى كوزدەپ وتىر.

ەسكە سالساق، ساتىبالدى باقىلاۋىنداعى Alatau Capital Investments جانە Skyline Investment Company S.A كومپانيالارىنا تيەسىلى «قازاقتەلەكوم» اق اكسيالارىنىڭ 30 پايىزعا جۋىعىن مەملەكەتكە وتكىزگەن.

13 ناۋرىزدا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ قىزمەتتىك وكىلەتتىگىن اسىرا پايدالانۋ جانە «قازاقتەلەكوم» اق قارجىسىن جىمقىرۋ فاكتىلەرى بويىنشا الماتىدا ۇستالىپ، ۋاقىتشا ۇستاۋ يزولياتورىنا قاماۋعا الىنعانى بەلگىلى بولدى. ونىڭ مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىستىلىعى دا ءقازىر تەكسەرىلىپ جاتىر.

14 ناۋرىزدا «قازاقتەلەكوم» كەڭسەلەرىندە تىنتۋلەر جۇرگىزىلگەنى بەلگىلى بولدى.

15 ناۋرىز بەلگىلى قازاقستاندىق پروديۋسەر بايان ماقسات قىزى قايرات ساتىبالدىنىڭ بۇرىنعى ايەلى گۇلميرا ساتىبالدىنىڭ رەيدەرلىك ارەكەتكە قاتىسى بار دەگەن سۇراققا جاۋاپ بەرۋگە ۋادە بەردى. 17 ناۋرىزدا انتيكور گۇلميرا ساتىبالدانىڭ بۇرىنعى كۇيەۋىنىڭ ءىسى بويىنشا ۇستالعانى تۋرالى حابارلادى. 19 ناۋرىزدا ول ەكى اي مەرزىمگە قاماۋعا الىندى. ول شىمكەنتتە بيۋدجەتتىڭ 747 ملن تەڭگەسىن ۇرلادى دەگەن كۇدىككە ءىلىندى.

23 ناۋرىز ىلە-الاتاۋ مەملەكەتتىك ۇلتتىق تابيعي پاركىنىڭ كۇزەت ايماعىنا جاقىن تاۋلاردان ساتىبالدىعا تيەسىلى بولۋى مۇمكىن زاڭسىز سالىنعان ۆيللا تابىلعانى حابارلانعان.

4 ءساۋىر سىبايلاس جەمقورلىققا قارسى قىزمەت ساتىبالدانىڭ باقىلاۋىنداعى كومپانيا باسشىلارىنىڭ ۇستالعانىن حابارلادى.

12 ءساۋىر ساتىبالدانىڭ فيرمالارىنا تيەسىلى «قازاقتەلەكوم» اكسيالارىنىڭ 30 پايىزعا جۋىعى مەملەكەت مەنشىگىنە قايتارىلعانى بەلگىلى بولدى.