ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قايرات ساتىبالدىنىڭ ىسىنە قاتىستى تىڭ اقپارات پايدا بولدى

14 ناۋرىز 2022 103

سىبايلاس جەمقورلىققا قارسى قىزمەت ءتوراعاسى ولجاس بەكتەنوۆ «قازاقتەلەكومنىڭ» قاراجاتىن جىمقىرۋ ءىسى تۋرالى كەيبىر مالىمەتتەردى ايتتى.

ول تەرگەۋ اياقتالعان سوڭ ۇرلانعان اقشانىڭ سوماسىن جاريالايتىنىن حابارلادى.

«قىلمىستىق ءىس «قازاقتەلەكوم» اق قاراجاتىن جىمقىرۋ فاكتىلەرى بويىنشا تەرگەلىپ جاتىر. ءبىز كەشە بەرگەن، ازىرگە بۇل بۇگىن قولدا بار بارلىق اقپارات. سوما انىقتالىپ جاتىر، ءبىرقاتار ەپيزودتار بار. مەنىڭ ويىمشا، ءبىز ءتيىستى ساراپتامالىق تەرگەۋ جۇرگىزگەننەن كەيىن سومانى اتايمىز. ءبىراق مەن ونىڭ ميللياردتاعان سوما ەكەنىن ايتا الامىن» دەدى ولجاس بەكتەنوۆ ءماجىلىس وتىرىسىنان كەيىن جۋرناليستەردىڭ سۇراقتارىنا جاۋاپ بەرۋ كەزىندە.

بۇعان دەيىن سىبايلاس جەمقورلىققا قارسى قىزمەت «قازاقتەلەكوم» اق-نىڭ لاۋازىمدىق وكىلەتتىكتەرىن اسىرا پايدالانۋ جانە قاراجاتىن اسا ءىرى مولشەردە ۇرلاۋ فاكتىلەرى بويىنشا قىلمىستىق ءىستى تەرگەيتىنى بەلگىلى بولدى. اتالعان قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ۋاقىتشا ۇستاۋ يزولياتورىنا قامالدى.



دەرەككوز
بۇل ماقالا تۋرالى نە ويلايسىز؟