پرەزيدەنت قاسىم-جومارت توقايەۆ 16 ناۋرىزدا قازاقستان حالقىنا جولداۋىن جاريالايدى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي مالىمدەدى.
بەرىك ءۋاليدىڭ ايتۋىنشا، قاسىم-جومارت توقايەۆتىڭ جولداۋىن رەسپۋبليكالىق تەلەارنالاردان تىكەلەي ەفيردە كورۋگە بولادى.
– مەملەكەت باسشىسى قاسىم-جومارت توقايەۆ 16 ناۋرىزدا ق ر پارلامەنتى پالاتالارىنىڭ بىرلەسكەن وتىرىسىنا قاتىسىپ، قازاقستان حالقىنا جولداۋ جاسايدى دەپ جوسپارلانىپ وتىر. پرەزيدەنتتىڭ بۇل جولداۋىندا جۋىق ارادا جۇزەگە اسىرىلاتىن ساياسي رەفورمالاردىڭ جاڭا باعدارلاماسى مەن الەۋمەتتىك-ەكونوميكالىق باعىتتا اتقارىلاتىن ءىس-شارالار تۋرالى ايتىلماق. مەملەكەت باسشىسىنىڭ جولداۋى ساعات 11:00-دە رەسپۋبليكالىق تەلەارنالاردان تىكەلەي ەفيردە كورسەتىلەدى. سونداي-اق «بورت N1» تelegram-كانالى جيىننان جەدەل حابار تاراتادى.