الماتىدا وتكەن كورمەدە تاراپتار فارماسيەۆتيكا جانە مەديسينالىق ماقساتتاعى بۇيىمدار سالاسىنداعى پاكىستاندىق بيزنەستى وقشاۋلاۋ ماسەلەلەرىن تالقىلادى.
بۇل كۇندەرى الماتىدا پاكىستاندىق وندىرۋشىلەر تاۋارلارىنىڭ كورمەسى ءوتىپ جاتىر. وندا يسلاماباد، لاحور، كاراچي، راۆالپيندي جانە سيالكوتتان كەلگەن 60-تان استام وكىل قازاقستاندىقتارعا ءوز ونىمدەرىن كورسەتەدى. كورمەدە ولاردىڭ برەندتەرىن توقىما، بۇيىمدار مەن كوسمەتيكا شىعاراتىن شاعىن كاسىپورىندار دا، فارماسيەۆتيكالىق جانە مەديسينالىق بۇيىمداردى شىعاراتىن ءىرى وندىرۋشىلەر دە كورسەتۋدە.
— 2021 جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 95،1 ميلليون دوللاردى قۇراسا، سوڭعى 10 جىلدا پاكىستاننان قازاقستانعا كەلگەن تىكەلەي شەتەلدىك ينۆەستيسيا كولەمى 16،7 ميلليون دوللاردى قۇرادى. ينۆەستيسيا تۇرعىسىنان العاندا حيميا، مۇناي-حيميا، جەڭىل ونەركاسىپ، فارماسيەۆتيكا، لوگيستيكا جانە IT سياقتى سالالار قىزىقتى، – دەدى قازاقستاننىڭ پاكىستانداعى ەلشىسى ەرجان قىستافين.
وسىنىڭ اياسىندا «KAZAKH INVEST» ۇك» اق باسقارما ءتوراعاسىنىڭ ورىنباسارى TrueWin Industries، Kalson Surgical، Herbion سياقتى فارماسيەۆتيكا جانە مەديسينالىق قۇرىلعىلار سالاسىنداعى پاكىستاندىق بيزنەس وكىلدەرىمەن بىرنەشە كەزدەسۋلەر مەن كەلىسسوزدەر جۇرگىزدى. تاراپتار قازاقستانداعى ءوندىرىستى وقشاۋلاۋ ماسەلەلەرىن تالقىلادى.
دەرەككوز
