اقش قارۋلى كۇشتەرىنىڭ شتاب باستىقتارى كوميتەتى الەمدىك دەرجاۆالار اراسىندا قاقتىعىس ءقاۋپى ارتقانىن مالىمدەدى.
اقش ارمياسى باس شتابىنىڭ باستىعى گەنەرال مارك ءميلليدىڭ ايتۋىنشا، رەسەي، جۇڭگو جانە امەريكا قۇراما شتاتتارىنىڭ كۇردەلى قاقتىعىسقا ءتۇسۋ ءقاۋپى بار.
«ءبىز ءقازىر ەكى الەمدىك دەرجاۆا – رەسەي مەن قىتايمەن بەتپە-بەت كەلىپ وتىرمىز. بۇل [ەلدەردىڭ] ءارقايسىسىنىڭ ايتارلىقتاي اسكەري الەۋەتى بار جانە قازىرگى ەرەجەلەرگە نەگىزدەلگەن ءتارتىپتى وزگەرتۋگە بەل بايلاۋدا» دەپ كەلتىرەدى ءميلليدىڭ ءسوزىن تاسس.
ونىڭ ايتۋىنشا، اقش تۇراقسىز بولىپ بارا جاتقان الەمگە ەنۋدە. ال قاقتىعىستىڭ ىقتيمال ءقاۋپى ءقازىر عانا ارتىپ كەلەدى دەيدى ميللي. دەگەنمەن cءوزىنىڭ قانداي بولجامدارعا نەگىزدەلگەنىن گەنەرال ناقتىلاعان جوق.
دەرەككوز
