ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ورامال تاقپاسا، ارينە زورلايدى: ەركەكتىڭ ءناپسىسىن العا تارتىپ، زورلىقتى قۇپتايتىن يمامدارعا كىم شەكتەۋ قويادى؟

28 مامىر 2024 715

قوعام بەلسەندىسى، ايەلدەردىڭ قۇقىعىن قورعاپ جۇرگەن كوۋچ روزا اشىربايەۆا ءبىرقاتار مەملەكەت زيالىلارىنا ماڭىزدى ساۋال جولدادى، دەپ حابارلايدى Alash.kz.

ينستاگرام الەۋمەتتىك جەلىسىندە جاريالاعان جازباسىندا، ول ايەلدەردىڭ قۇقىعىن يمامداردىڭ وزدەرى قۇرتاتىنىن جەتكىزگەن. كۇندەلىكتى جاڭالىقتاردى اشىپ قاراعاندا جانۋاردى دا، ادامدى دا زورلاپ جاتقان ەر ادام ەكەنىن دە تىلگە تيەك ەتتى. 

قوعامدا ايەلدى دە، بالانى دا، قارتتى، جانۋاردى دا، ولىكتى دە، ءتىپتى ەركەكتى دە زورلايتىن - ەركەك!

زورلىقشىعا سەبەپ كەرەك ەمەس، “تاياقتىڭ ەكى ۇشى بار” “سەبەپ بار”، “نە ۆ توم مەستە، نە ۆ توي ودەجدە، نە ۆ تو ۆرەميا» دەيتىندەردىڭ ويى بويىنشا مورگتاعى ءولى ايەل قانداي سەبەپ تۋعىزدى ەكەن دەپ سۇراعىم كەلەدى.
ءولىپ قالعانى سەبەپ پا؟ ۇيالساڭىزدار ەتتى…،-دەدى ول جازباسىندا. 

روزا اشىربايەۆا ۋاعىز تىڭداۋعا باراتىنداردىڭ بارلىعى ەر ادامدار ەكەنىن ايتىپ، ولارعا دۇرىس ءجون سىلتەۋدىڭ ورنىنا "زورلىقتى قۇپتاپ" ايتقان سوزدەرىنە اشۋلاندى. 

مەشىتتەرگە بارىپ، ۋاعىز، ءدارىس تىڭدايتىندار ءبارى - ەركەك، ال ولارعا ۇستازدار پايعامبارىمىزدىڭ (س.ا.س) سيراسىن تاپسىرلەپ وتىرىپ: “ورامال تاقپاعانداردى زورلاماعاندا، كىمدى زورلايدى” - دەپ وتىرعانى قالاي؟

مەشىتتەر مەن مەدرەسەلەر ءدارىس تىڭداۋعا كەلىپ وتىرعان ەر ازاماتتارعا زورلىقتى، قاتىگەزدىكتى، سوگۋدى، ايەلدەردى كيىمىنە قاراي ديسكريميناسيا جاساۋدى ۇيرەتىپ وتىراتىن مەكەمە مە؟

كوۋچ مەملەكەتتە الار ورنى بار ءبىرقاتار زيالى وكىلدەرگە ماڭىزدى ساۋال جولدادى.

وسى ورايدا مەن قمدب باسشىسى باس ءمۋفتييى - ناۋرىزباي قاجى تاعانۇلىنا @muftiyatkz @nauryzbai.taganuly

قمبد ۋاعىز-ناسيحات ءبولىمىنىڭ باسشىسى - مانسۇروۆ باتىرجان بەردەنۇلىنا

ق ر مادەنيەت جانە اقپارات ءمينيسترى - بالايەۆا ايدا عالىمقىزىنا @madeniet__aqparat__ministrligi @aida_balayeva 

ق ر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ باسشىسى - نۇكەنوۆ ەرجان بولاتقانۇلىنا

ىشكى ساياسات بويىنشا ستراتەگيالىق ۇسىنىستاردى قالىپتاستىرۋشى قازاقستان رەسپۋبليكاسىنىڭ مەملەكەتتىك كەڭەسشىسى - قارين ەرلان تانىمبايۇلىنا @erlankarin2019 قويار ءبىر عانا سۇراعىم بار:

“ءبىز زاڭسىزدىق پەن قاتىگەزدىككە ءبىر كىسىدەي، باتىل قارسى تۇرۋىمىز قاجەت. سونداي-اق قوعام نورمالار مەن ەرەجەلەردىڭ جانە جالپى ادامزاتقا ورتاق قۇندىلىقتاردىڭ اياقاستى بولۋىن قاتاڭ ايىپتاپ، ونىمەن بىرلەسە كۇرەسۋى كەرەك، - دەگەن مەملەكەت باسشىسىنىڭ @tokayev_online تالابىنا قارسى جۇمىس ىستەيتىن يمامدارعا شارا بار ما؟،-دەدى ول. 

ەكس-مينيستر قۋاندىق بيشىمبايەۆتىڭ قولىنان قازا تاپقان سالتانات نۇكەنوۆانىڭ اعاسى ايتبەك امانگەلدى دە وسى تاقىرىپقا قاتىستى الەۋمەتتىك جەلىدە ءوز پىكىرىمەن ءبولىستى. كۇنى كەشە ۋاعىز ايتۋشى جارقىن مىرزاتايدىڭ "بلوگەر قىزدارعا ۇيلەنبەڭدەر" دەگەن ۆيدەوسى قوعامنىڭ قىزۋ تالقىسىنات تۇسكەن ەدى. 

ايتبەك امانگەلدى: " قاي ۋاقىتتان بەرى ادامداردىڭ سىرتقى جۇزىنە قاراپ باعا بەرىلەتىن بولعان؟ قاشاننان بەرى ەل الدىندا جۇرگەن جاندار قۇرمەتكە لايىق ەمەس؟ نەگە كوپ اۋديتورياسى بار يمامدار ءبىر-بىرىڭدى قادىرلەپ، قۇرمەتتەڭدەر دەگەن ءسوزدىڭ ورنىنا ادامداردى نەگە قارسى قويادى؟"،- دەدى ول اشۋلانىپ.

بۇل ماقالا تۋرالى نە ويلايسىز؟