ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ونى ساياساتقا اكەلىپ، شىعىندالۋدىڭ قاجەتى جوق". ساراپشى نازاربايەۆ اۋەجايىنا كود بەرۋ اقشا شاشۋ دەيدى

26 مامىر 2024 269
نۇرسۇلتان نازاربايەۆ حالىقارالىق اۋەجايىنىڭ كودى 2020 جىلى ساۋىردە NQZ بولىپ وزگەردى. ونىڭ الدىندا TSE بولىپ قولدانىلعان.وزگەرىس رەسمي تۇردە 2020 جىلدىڭ 8 ماۋسىمىندا كۇشىنە ەندى.
اۆياسيا ساراپشىسى ابىل كەكىلبايەۆ حالىقارالىق اۋە كولىگى قاۋىمداستىعى بەرەتىن كودتى اۋىستىرماۋ قاجەت ەكەنىن ايتادى.
سەبەبى ول جۇيەنىڭ جۇمىسىنا كەدەرگى كەلتىرەدى دەپ جازادى Alash.kz.

بۇل تۋرالى ساراپشى Halyq Uni تىلشىسىنە بەرگەن سۇقباتىندا ايتقان.

اۋەجايعا كودتى IATA (حالىقارالىق اۋە كولىگى قاۋىمداستىعى) بەرەدى. ول تەك IATA جۇيەلەرى ءۇشىن قاجەت. جولاۋشى رەتىندە بۇل كودتى پايدانبايمىز. كود بيلەتتە جازىلىپ تۇرادى، سەبەبى بيلەت ساتۋ جۇيەسى، تاريفتەردى رەتتەۋ جۇيەسى IATA ارقىلى جۇمىس ىستەيدى. ال ICAO-دا باسقا كود قولدانىلادى. اۆياديسپەچەر IATA كودىن پايدالانبايدى، ICAO كودىن پايدالانادى، - دەيدى ابىل كەكىلبايەۆ.

ساراپشىنىڭ ايتۋىنشا، اۋەجايدىڭ كودىن ءبىرىنشى بولىپ باكۋ اۋىستىرعان. گەيدار الييەۆ اتىنداعى اۋەجايعا GYD كودى ون شاقتى جىل بۇرىن بەرىلگەن.

«ءدال سولاي ەرەجەگە وزگەرىس ەنگىزىپ، استاناداعى اۋەجايدىڭ دا كودى وزگەردى. كوپ ەلدىڭ كودىن بىلەمىن، ولاردىڭ ەلدىمەكەننىڭ اتاۋىنا ەشقانداي قاتىسى جوق. جۇيەنىڭ جۇمىس ىستەيتىن كودتىڭ ەشقانداي ماڭىزى جوق.

كەي جۇيەلەردە استانانىڭ كودى بۇرىنعى TSE كۇيىندە تۇر. ارى-بەرى اۋىستىرۋ – اقشانى بوس شىعىنداۋ. ءبىر بەكىتىلگەن كود جۇيەنىڭ جۇمىسىنا كەدەرگى كەلتىرمەۋ ءۇشىن سول كۇيى قالۋى كەرەك. ونى ساياساتقا الىپ كەلىپ، ول ءۇشىن شىعىندالۋدىڭ قاجەتى جوق. ءبىراق بىرەۋ ۇپاي جينادى، بىرەۋ ءوزىنىڭ كەرەمەت ەكەنىن كورسەتتى»، - دەيدى اۆياسيا ساراپشىسى.

ەستەرىڭىزگە سالا كەتەيىك، ابىل كەكىلبايەۆ – ICAO ورتالىق حاتشىلىعىندا جۇمىس ىستەگەن العاشقى جانە ازىرگە جالعىز قازاق

بۇل ماقالا تۋرالى نە ويلايسىز؟