شىمكەنت قالالىق ءىىد ءجاسوسپىرىمدى اياۋسىز سوققىعا جىققان، قوعامدا رەزونانس تۋدىرعان ۆيدەوعا قاتىستى پىكىر ءبىلدىردى. قۇقىق قورعاۋ ورگاندارىنىڭ مالىمەتىنشە، جابىرلەنۋشى- ايەلدىڭ ءبىرىنشى نەكەدەگى كامەلەتكە تولماعان قىزى. ءقازىر ول اكەسىنىڭ قامقورلىعىندا.
نەلىكتەن اناسى بالاسىنا سونشا قاتىگەزدىك كورسەتكەنىن پوليسەيلەر ايتقان جوق. بەلگىلى بولعانى، سوتقا دەيىنگى تەرگەۋ ءجۇرىپ جاتىر.
«پوليسيا قىزمەتكەرلەرى بەينەجازبادا كورسەتىلگەن تۇلعالاردى انىقتادى. اتالعان فاكتى بويىنشا 2024 جىلدىڭ 31 ناۋرىزىندا قىلمىستىق ءىس قوزعالدى. تەرگەۋ شارالارى جۇرگىزىلۋدە. ساراپتاما تاعايىندالدى. بۇل ءىس شىمكەنت قالالىق ءىىب باستىعىنىڭ باقىلاۋىندا»، - دەپ جاۋاپ بەردى شىمكەنت قالالىق ءىىب باسپا ءسوز قىزمەتى «وتىرار» تەلەارناسى رەداكسياسىنىڭ ساۋالىنا.
بۇعان دەيىن «وتىرار» تەلەكومپانياسىنىڭ رەداكسياسىنا وسى ۆيدەو جىبەرىلگەن بولاتىن. كادردا: قولىنا پىشاق ۇستاعان ايەل جاسوسپىرىمگە قاراي جىلدام باسىپ كەلەدى. سودان كەيىن ايەل قىزدىڭ بەتىنە پىشاق تاقايدى.
جابىرلەنۋشى ءوزىن-وزى قورعايدى، قاتتى جىلاي باستايدى. قىزدىڭ بۇل ارەكەتى ايەلدى ودان بەتەر اشۋلاندىرعان كورىنەدى. ول ءجاسوسپىرىمدى بىرنەشە شاپالاقپەن ۇرىپ، باسىنان سوعا باستايدى. بۇل كەزدە جابىرلەنۋشى قارسى تۇرۋعا تىرىسادى، ءبىراق بەتىنە بىرنەشە سوققى تيەدى.
سودان كەيىن ايەل ونى فۋتبولكاسىنان ۇستاپ، جۇدىرىقپەن ۇرادى. بەتىنەن تەۋىپ، باسىنان قوقىس جاشىگىمەن ۇرادى. جانتۇرشىگەرلىك وقيعا بەينەباقىلاۋ كامەرالارىنا ءتۇسىپ قالىپتى.
