تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قىلمىستىق كودەكستىڭ 120-بابىنىڭ 3-1-بولىگىنىڭ 1-تارماعىمەن، 121-بابىنىڭ 3-1-بولىگىنىڭ 1-تارماعىمەن، 105-بابىنىڭ 3-بولىگىمەن ايىپتالعان م.د.-عا قاتىستى قىلمىستىق ءىس قارالدى.
وبلىستىق سوت باسپا ءسوز قىزمەتىنىڭ حابارلاۋىنشا، 2023 جىلدىڭ مامىر ايىندا سوتتالۋشى تۇركىستان قالاسىندا (تانىسى) كامەلەت جاسقا تولماعان جاسوسپىرىمگە زورلاۋ جانە سەكسۋالدىق سيپاتتاعى زورلىق-زومبىلىق ارەكەتتەرىن بىرنەشە رەت جاساعان.
مەملەكەتتىك ايىپتاۋشى ايىپتى قولداپ، م.د.-عا قىلمىستىق كودەكستىڭ 120-بابىنىڭ 3-1-بولىگىنىڭ 1-تارماعىمەن، 121-بابىنىڭ 3-1-بولىگىنىڭ 1-تارماعىمەن، 105-بابىنىڭ 3-بولىگىمەن كىنالى دەپ تانىپ وعان بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ، پەداگوگيكالىق جانە كامەلەتكە تولماعاندارمەن جۇمىس ىستەۋمەن بايلانىستى لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7 جىل 6 اي مەرزىمگە باس بوستاندىعىنان ايىرۋ جازاسىن تاعايىنداۋدى، جازاسىن وتەۋگە قىلمىستىق-اتقارۋ جۇيەسىنىڭ ورتاشا ءقاۋىپسىز مەكەمەسىندە بەلگىلەۋدى سۇراعان.
الايدا، سوتتالۋشى كىناسىن مويىنداماعان.
سوت شەشىمىمەن سوتتالۋشى م.د.-عا قىلمىستىق كودەكستىڭ 120-بابىنىڭ 3-1-بولىگىنىڭ 1-تارماعىمەن، 121-بابىنىڭ 3-1-بولىگىنىڭ 1-تارماعىمەن، 105-بابىنىڭ 3-بولىگىمەن كىنالى دەپ تانىپ، وعان بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ، پەداگوگيكالىق جانە كامەلەتكە تولماعاندارمەن جۇمىس ىستەۋمەن بايلانىستى لاۋازىمداردى اتقارۋ قۇقىعىنان 2 (ەكى) جىل مەرزىمگە ايىرا وتىرىپ، وعان تۇپكىلىكتى 7 (جەتى) جىل 6 (التى) اي مەرزىمگە باس بوستاندىعىنان ايىرۋ جازاسى، جازانى قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەۋ جازاسى تاعايىندالعان.
سوت ۇكىمى ءالى زاڭدى كۇشىنە ەنگەن جوق.
اشىق دەرەككوزدەردە بۇل وقيعا تۇركىستان قالاسىنداعى نازاربايەۆ زياتكەرلىك مەكتەبىنىڭ وقۋشىلارىنا قاتىستى ەكەنى ايتىلدى. ياعني، نازاربايەۆ مەكتەبىنىڭ 10-سىنىپ وقۋشىسى 9-سىنىپ وقۋشىسىنا سەكسۋالدى زورلىق كورسەتكەنى تۋرالى اقپارات تارادى. بۇل اقپارات ءالى رەسمي راستالعان جوق.
