ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەكىباستۇزدا ءوز بالاسىن اشتان ولتىرگەن ايەل از مەرزىمگە سوتتالدى

15 مامىر 2024 324

ەكىباستۇزدا سەگىز ايلىق بالاسىنا تاماق بەرمەي، اشتان قاتىرعان ايەل سوتتالدى، دەپ حابارلايدى Alash.KZ ۇلتتىق پورتالى El.kz اقپارات اگەنتتىگىنە سىلتەپ. 

شىدەرتى كەنتىنىڭ تۇرعىنى سوتتا ءوز كىناسىن مويىنداپ، جاساعان ىسىنە وكىنەتىنىن مالىمدەدى. ونىڭ كىناسى سوت-مەديسينالىق ساراپتامانىڭ قورىتىندىسىمەن، ساراپشىنىڭ ايعاقتارىمەن، باسقا دا قۇجاتتىق جانە زاتتاي ايعاقتارمەن دالەلدەندى.

سوتتالۋشىنىڭ جەكە باسى مەن وتباسىلىق جاعدايىن ەسكەرە وتىرىپ، سوت وعان ءبىر جىلعا باس بوستاندىعىنان ايىرۋ جازاسىن تاعايىندادى.

ال ايەلدىڭ قالعان ەكى بالاسى مەملەكەت قامقورلىعىنا ءوتىپ، ءوزى اتا-انا قۇقىعىنان ايرىلدى. ۇكىم زاڭدى كۇشىنە ەنگەن جوق. 

بۇل ماقالا تۋرالى نە ويلايسىز؟