ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مۇعالىمدەر ا.بايتۇرسىنۇلىنا ارنالعان اۆتورلىق باعدارلامالار دايىندادى

03 مامىر 2022 118
قازاقستاندىق مەكتەپ مۇعالىمدەرى ا.بايتۇرسىن ۇلىنىڭ 150 جىلدىعىنا وراي اۆتورلىق باعدارلامالار جاساپ شىعاردى. تىڭ ەڭبەكتەرىن پەداگوگتەر «احمەت بايتۇرسىن ۇلىنىڭ ۇلتتىق ءبىلىم بەرۋ جۇيەسى: ءبىلىم بەرۋدىڭ بۇگىنى مەن ەرتەڭى» رەسپۋبليكالىق عىلىمي-پراكتيكالىق كونفەرەنسياسىندا تانىستىردى.

كونفەرەنسياعا ا.بايتۇرسىن ۇلى اتىنداعى ءتىل ءبىلىمى ينستيۋتىنىڭ ديرەكتورى انار فازىلجانوۆا، ا.بايتۇرسىن ۇلى اتىنداعى ورتا مەكتەبىنىڭ ديرەكتورى اناركۇل بولىمبەكوۆا، قازۇۋ پروفەسسورلارى، احمەتتانۋشى ورىناي جۇبانوۆا جانە باسقا دا عالىمدار قاتىستى. سونىمەن قاتار 250-گە جۋىق مەكتەپ ءمۇعالىمى قاتىسىپ، ۇلت ۇستازىنىڭ سارقىلماس مۇراسىنىڭ بۇگىنگى ءبىلىم بەرۋ جۇيەسىندەگى قۇندىلىعى جايىندا وي ءبولىستى.

شارا ۇيىمداستىرۋشىسى سدۋ مۋلتيديسيپلينارلىق ءبىلىم بەرۋ ورتالىعىنىڭ ديرەكتورى جايناگۇل دۇيسەبەكوۆانىڭ ايتۋىنشا، جيىن ەرەكشە فورماتتا وتكىزىلگەن.

«شارانىڭ ادەتتەگى عىلىمي كونفەرەنسيا فورماتىنان ەرەكشەلىگى – قوعام قايراتكەرى ا.بايتۇرسىن ۇلى اتىنداعى مەكتەپ پەن سۋلەيمان دەميرەل اتىنداعى ۋنيۆەرسيتەتى، احمەتتانۋشىلار اراسىندا ءوزارا تاجىريبە الماسۋ تۇرىندە ءوتتى. عىلىمي پراكتيكالىق قۇندىلىعى جوعارى كونفەرەنسيا بولدى. مەكتەپ مۇعالىمدەرى قوعام قايراتكەرىنە ارنالعان اۆتورلىق باعدارلامالار جاساپ شىعاردى، شارادا سولاردى تانىستىردى. جوو وقىتۋشىلارى  ءۇشىن ول وتە قۇندى اقپارات بولدى. ا.بايتۇرسىن ۇلىنىڭ ادىستەمەلىك مۇراسىنا قاتىستى تىڭ باياندامالار جاسالدى، قاتىسۋشىلار ءتۇرلى ويلارىن تالقىعا سالدى. اقىننىڭ وزگە تىلدەرگە اۋدارىلعان ولەڭدەرى وقىلدى»، – دەدى ول.



سونداي-اق شارا بارىسىندا ءپۋبليسيستىڭ ءومىر كەزەڭدەرىن سۋرەتتەيتىن كورىنىستەر قويىلدى،  گولوگرامما ارقىلى پورترەتى سالىندى. شىعارماشىلىعىن ناسيحاتتاۋ ماقساتىندا كورمە ۇيىمداستىرىلىپ، وندا وقۋشىلاردىڭ قولىمەن جاسالعان تۋىندىلارى كوپشىلىك نازارىنا ۇسىنىلدى.

 

 
بۇل ماقالا تۋرالى نە ويلايسىز؟