وعان تومەندەگىدەي دالەلدەر كەلتىرىلگەن.
ءبىرىنشىسى، شاريعات بويىنشا قانداي دا ءبىر اقشا نەگىزگە الىنۋى ءۇشىن مەملەكەت تاراپىنان شىعارىلۋى كەرەك جانە ونىڭ كەپىلدىگى مەن قورعاۋىندا بولۋى شارت.
بيتكوين ەشبىر ۇلتتىق ۆاليۋتانىڭ سيپاتىنا كەلمەيدى. ويتكەنى ول مەملەكەتتىك ورگانداردىڭ كەپىلدىگىمەن ءارى قارجىلىق زاڭدار مەن قورعالماعان، ناقتى اكتيۆى جوق، ورتالىقتاندىرىلماعان ۆيرتۋالدى اقشا. كەز كەلگەن ساتتە ونىڭ نارىعى كۇرت ءوسىپ نەمەسە ءتۇسىپ، ودان ادامدار زيان شەگۋى مۇمكىن. ءابۋ الي حاسان ءات-تاۋسي: «عاسىرلار بويى اقشا شىعارۋ قۇقىعى پاتشادان وزگەگە بەرىلمەگەن»، – دەپ ايتقان (ءسايرۋ ال-مۋلۋك، 233-بەت).
ەكىنشىسى، بيتكويننىڭ پروسەسستەرى كوبىنە جاسىرىن جۇزەگە اسادى. بۇل ءوز كەزەگىندە شاريعات تىيىم سالعان الداۋعا، الاياقتىققا سوقتىرادى.
اللا تاعالا قۇراندا بىلاي دەيدى: «ۋا، يمان كەلتىرگەندەر! ءبىر-بىرىڭنىڭ مال-دۇنيەلەرىڭدى ارام جولمەن جەمەڭدەر. ال ءوزارا كەلىسىپ، ريزاشىلىقپەن جاساعان ساۋدا-ساتتىقتىڭ ءجونى بولەك» («نيسا» سۇرەسى، 29-ايات).
پايعامبارىمىز (وعان اللانىڭ سالاۋاتى مەن سالەمى بولسىن) بەلگىسىزدىك ساۋداسىنا (عارارعا) تىيىم سالعان (مۋسليم ريۋايات ەتكەن).
ءۇشىنشىسى، بيتكوين ۆاليۋتا نەمەسە تاۋار رەتىندە جاۋاپتى تاراپتاردىڭ باقىلاۋىنان تىس قالادى. بۇل ەلدىڭ ىشكى ەكونوميكاسىنا كەرى اسەر ەتىپ، قوعامنىڭ تۇراقسىزدانۋىنا جول اشۋى مۇمكىن.
پايعامبارىمىز (وعان اللانىڭ سالاۋاتى مەن سالەمى بولسىن): «وزىنە دە، وزگەگە دە زيان تيگىزۋگە بولمايدى»، – دەگەن (احماد ريۋايات
ەتكەن).
مىسىر ەلىنىڭ ءپاتۋا كوميتەتى، ەۋرازيا مۇسىلماندارىنىڭ ءپاتۋا شىعارۋ كەڭەسى سياقتى ءىرى ۇيىمدار دا بيتكوين كريپتوۆاليۋتاسىن پايدالانۋعا تىيىم سالعان.
