مەنى قايتادان تۇرمەگە قاماۋ مۇمكىن – جاكىشيەۆ

«قازاتومونەركاسىپ» ۇلتتىق كومپانياسىنىڭ بۇرىنعى باسقارما باسشىسى مۇحتار جاكىشيەۆ ساياسي پارتيا قۇرۋ تۋرالى ويلارىمەن ءبولىستى.

بۇل تۋرالى مۇحتار جاكىشيەۆ «گيپەربورەي» YouTube ارناسىنا بەرگەن سۇحباتىندا ايتتى.

– بىرىنشىدەن، مەن ساياساتكەر ەمەسپىن. مەن ەشقاشان ساياساتپەن اينالاسپادىم. مەنىڭ ويىمشا، مەننەن جاقسى ساياساتكەر شىقپايدى. مەنىڭ نە ىستەيتىنىمدى ءبارى بولجاي الادى. بۇنى كەمشىلىك دەپ ەسەپتەيمىن. ساياسي كۇرەستە قۋ بولۋ كەرەكسىن. ەكىنشىدەن، كوپتەگەن ادامعا جاڭالىق بولۋ مۇمكىن، مەن 2023 جىلعى 21 مامىرعا دەيىن مەن ءالى (تۇرمەدە – رەد.) وتىرمىن. مەن ءالى ايىبىمدى وتەپ وتىرمىن. مەنىڭ وتەۋ ۋاقىتىم ءالى بىتكەن جوق. سوندىقتان، قازاقستان زاڭاماسىنا سايكەس، مەن داۋىس بەرۋ قۇقىعى بەرىلمەيدى. مەن سايلاۋعا قاتىسا المايمىن.

ماعان: «پارتيا نەگە اشپايسىز؟» دەپ سۇرايدى. پارتيا اشۋ ءۇشىن جوبا، پىكىرلەس ادامدار جانە بۇنىن بارلىعى نە ءۇشىن جاسالىپ جاتقانى ءبىلۋ قاجەت. مەندە زاڭدى قۇقىق جوق. سەبەبى، مەن داۋىس تا بەرە المايمىن جانە سايلاۋعا قاتىسا المايمىن. 2023 جىلدىڭ مامىرىنا دەيىن مەن تۇتقىندامىن، – دەدى جاكىشيەۆ.

سونىمەن قاتار، «قازاتومونەركاسىپ» ۇلتتىق كومپانياسىنىڭ بۇرىنعى باسقارما باسشىسى قانداي جاعدايدا قايتان تۇرمەگە ورالۋ مۇمكىن ەكەنىن ايتتى.

– كوشەنى تىيىم سالعان جەردەن ءوتىپ كەتسەم نەمەسە تەمەكى تۇقىلىن لاقتىرسام، كەز-كەلگەن قۇقىق بۇزۋشىلىق بولسا، مەن مەنى بوساتقان جەرگە قايتا ورالامىن. بۇل 2023 جىلدىڭ 21 مامىرىنا دەيىن ەمەس، مەن تۇرمەدە وتىرماعان 3 جىل 2 ايعا قايتا قامالامىن. مىسالى، 2023 جىلدىڭ 19 مامىر كۇنى ءبىر اكىمشىلىك قۇقىق بۇزۋشىلىق جاساسام – مەن مەنى بوساتقان جەرگە 2026 جىلعا دەيىن وتىرامىن.

قازىرگى تاڭدا، مەنىڭ مارتەبەم – جارىمجان. سوندىقتان، كەز-كەلگەن ازامات ىستەي الاتىن مەنەن قانداي دا ءبىر ءىس-قيمىل كۇتكەندە – مەنەن بۇنى ءاردايىم الا المايسىندار. ويتكەنى، مەن زاڭ بويىنشا، كەيبىر قۇقىقتارىمنان ايىرىلدىم. ەشقانداي پارتيالىق ءومىر تۋرالى ايتا المايمىز. زاڭ بويىنشا، بۇل مۇمكىن ەمەس، – دەدى مۇحتار جاكىشيەۆ.

«قازاتومونەركاسىپ» كومپانياسىنىڭ بۇرىنعى باسشىسىنىڭ ايتۋىنشا، ول ءوزىنىڭ «تۇتقىن» مارتەبەسىنە اسا كوپ ءمان بەرمەي، ساياسي رەفەورمالار قاجەتىلىگىن اتاپ ءوتتى.

– مەن بۇل مارتەبەگە قاراي بەرمەيمىن. مەنى قايتادان قايتارا الادى، مەن ءار اپتا سايىن بەلگىلەپ وتىرامىن، ساعات تۇنگى 10:00 كەيىن ۇيدە بولۋ كەرەكپىن. بۇل مەنى ۋايمداتپايدى. ساياسي رەفورما قاجەت. بۇل بىرەۋگە ۇناي ما، ۇناماي ما؟ مەن ءاردايىم مەن نەنى ويلايمىن – ونى ايتامىن. سول ءۇشىن وتىرۋ كەرەك بولدى ما – وتىردىم، – دەپ تۇيىندەدى جاكىشيەۆ.

[embed]https://www.youtube.com/watch؟v=TwVrdEnZDT8[/embed]

ەسكە سالساق، 2020 جىلى 3 ناۋرىزدا سەمەي قالاسىنىڭ قىلمىستىق سوتى «قازاتومونەركاسىپ» كومپانياسىنىڭ بۇرىنعى باسشىسى مۇحتار جاكىشيەۆتىڭ شارتتى تۇردە مەرزىمىنەن بۇرىن بوساتۋ تۋرالى ءوتىنىشىن قاناعاتتاندىردى. باس بوستاندىعىنان ايىرۋ ورىندارىندا ول 11 جىل بولدى.

2009 جىلدان باستاپ جاكىشيەۆ پەن ونىڭ جاقتاستارى سىبايلاس جەمقورلىق ايىپتارى بويىنشا 14 جىلعا باس بوستاندىعىنان ايرىلدى.

كەيبىر قازاقستاندىق قۇقىق قورعاۋشىلاردىڭ پىكىرىنشە، جاكىشيەۆ 2009 جىلى قازاقستاننان كەتكەن بۇرىنعى بانكير جانە قازاقستاندىق بيلىكتىڭ سىنشىسى مۇحتار ابىلازوۆپەن دوستىق قارىم-قاتىناسى ءۇشىن قىلمىستىق قۋدالاۋعا ۇشىرادى.