ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

مەن سويلەگەندە بولات نازاربايەۆتىڭ ءتۇرى بۇزىلىپ كەتتى (ۆيدەو)

17 ناۋرىز 2022 106
 



جۇمباق جاعدايدا قازا تاپقان التىنبەك سارسەنبايەۆتىڭ اعاسى رىسبەك سارسەنبايەۆ «ۋاقىت كورسەتەدى» باعدارلاماسىنا سۇحبات بەرىپ، ەلدەگى احۋال جانە ءىنىسىنىڭ قازاسى تۋرالى ءبىرقاتار سۇراقتارعا كەڭىنەن جاۋاپ بەردى. سۇحبات بارىسىندا ول «جىلداعى ءداستۇر» بويىنشا ماقپال ءجۇنىسوۆانىڭ شاقىرۋىمەن زامانبەك ءنۇرقادىلوۆتىڭ شاڭىراعىندا بولعان كەزدە ەكس-پرەزيدەنت نۇرسۇلتان نازاربايەۆتىڭ ءىنىسى بولات نازاربايەۆپەن داستارحانداس بولعانى تۋرالى ايتىپ بەردى.
– ءبىز كەزدەسكەندە جانىندا سوڭعىسى ما، الدە سوڭعىسىنىڭ الدىنداعى ما، توقالدارىنىڭ بىرىمەن وتىردى. بىر-بىرىنە انەكدوت ايتىپ وتىردى. انەكدوت ايتاتىن جەر ەمەس قوي. كەتىپ تە قالعىم كەلدى، ءبىر داستارحاندا وتىرۋ جيىركەنىشتى بولدى. ماقپال دا، قاسىمداعى جىگىتتەر دە «داستارحاننان ۇلكەن ەمەسسىڭ» دەپ جىبەرمەدى. سوسىن «بولات قازاقتا «ءوز اياعىڭمەن كەلدى مە، قۇداي ايداپ كەلدى مە» دەگەن ءسوز بار. ەندى مەنى مۇقيات تىڭدا! جاقسىلاپ ۇعىپ ال دا، انا نۇرسۇلتان اعاڭا جەتكىزىپ بار. ءتۇرى بۇزىلا باستادى. سودان مەن زاكەڭنىڭ مەملەكەتكە، قازاققا، الماتىعا سىڭىرگەن ەڭبەگى تۋرالى ايتتىم. جانە وسىنداي ازاماتقا «ءوز-وزىن ءۇش رەت اتىپ ءولتىردى» دەپ جالا جاپتى. وسىنى ايتقىزىپ وتىرعان سەنىڭ اعاڭ عوي. وتىرىگىن دوعارسىن، زاكەڭ ءتىرى بولسا ءوز نامىسىن ءوزى قورعار ەدى. ءوزى جوق، ونىڭ نامىسىن ءبىز قورعايمىز. اعاڭا ايت، قىلمىستىق ءىس قوزعاپ، قىلمىستى اشسىن، ءبارى ءۇشىن ءوزى جاۋاپتى. وسىنى جەتكىزىپ بار، – دەدىم.

رىسبەك سارسەنباي نازاربايەۆپەن جولىعا قالسا، وسىنداي سۇراقتاردى وزىنە تىكەلەي قوياتىنىن دا جەتكىزدى. بۇل سۇراقتاردى ىشكى ىستەر ەكس-مينيسترى باۋىرجان مۇحامەتجانوۆقا دا قويعانىن جاسىرمادى.



https://www.youtube.com/watch؟v=2XT_uTC3zQk
بۇل ماقالا تۋرالى نە ويلايسىز؟