تۇركىستاندا 2006 جىلعى تۇرعىن مەملەكەتتىك رامىزدەردى قورلاعانى ءۇشىن جاۋاپقا تارتىلدى. بۇل تۋرالى Alash.kz پورتالى Nur.kz سايتى نا سىلتەمە جاساپ حابارلايدى.
ءىس ماتەريالدارىن سايكەس، بيىل 14 ساۋىرىندە جىگىت تۇركىستان قالاسىنىڭ ورتالىق كوشەسىمەن كولىك جۇرگىزىپ كەلە جاتىپ، تەلەفونىنا ءىلىنىپ تۇرعان مەملەكەتتىك تۋدى كامەراسىنا ءتۇسىرىپ العان. كەلەسى كۇنى ول روليكتى TikTok-تا جاريالاعان.
اتاپ ايتقاندا، ول قازاقستان رەسپۋبليكاسىنىڭ تۋىن "شۇبەرەك" دەپ اتاعان. ۆيدەو ۇناتپاعاندار كوپ بولعان. پىكىر بىلدىرۋشىلەر دە مەملەكەتتىك رامىزگە دەگەن مۇنداي كوزقاراسقا نارازىلىق بىلدىرگەن.
كوپ ۇزاماي اۆتور جازباسىن ءوشىرىپ تاستاعان، ءبىراق كەيبىر قولدانۋشىلار پوليسيا مەن پروكۋراتۋراعا ارىز تۇسىرگەن.
بۇل فاكت بويىنشا تەرگەۋ باستالدى. جىگىتتىڭ جەكە باسى انىقتالىپ، ۇستالدى. ونىڭ ۇستىنەن قىلمىستىق كودەكستىڭ 372-بابى بويىنشا قىلمىستىق ءىس قوزعالدى.
