شىعىس قازاقستان وبلىسىنىڭ كۇرشىم اۋدانىنا قاراستى مارالدى اۋىلىندا اۋىلدىق وكرۋگتىڭ عانا ەمەس، جالپى وبلىستىڭ دامۋىنا مۋلتيپليكاتيۆتىك ناتيجە بەرەتىن التىن ءوندىرۋ فابريكاسى ىسكە قوسىلادى. ودان وبلىس تۇرعىندارى حاباردار، ارينە. جوبا قازاقستان رەسپۋبليكاسىنىڭ قولدانىستاعى زاڭناماسىنىڭ تالاپتارىنا سايكەس بارلىق رۇقسات بەرۋ راسىمدەرىنەن ءوتتى، قۇزىرەتتى ورگانداردىڭ شەشىمدەرىمەن راستالادى. مارالدىعا ەكولوگيا جانە تابيعي رەسۋرستار، ونەركاسىپ جانە قۇرىلىس ۆيسە-مينيسترلەرى ارنايى جۇمىس ساپارلارىمەن باردى. ولار تۇرعىندارمەن كەزدەسىپ، جوبانى توقتاتۋعا زاڭدى نەگىزدەردىڭ جوقتىعىن جان-جاقتى ءتۇسىندىردى. كوپتەگەن تەكسەرىستەردىڭ ناتيجەسىندە فابريكانىڭ قۇرىلىسى مەن ودان ءارى جۇمىسى بارىسىندا زاڭ بۇزۋشىلىقتار انىقتالعان جوق.
ءاربىر جوبا بويىنشا قوعامدىق تىڭداۋلار وتكىزىلدى، ولار دا قازاقستان زاڭناماسىنا سايكەس قاتاڭ تۇردە وتكىزىلدى. ءبىر عانا ۇكىم بار – زاۋىتتىڭ جۇمىسى بارلىق ەرەجەلەر مەن قاۋىپسىزدىك تالاپتارىنا سايكەس.
مامانداردىڭ، سونىڭ ىشىندە تاۋەلسىز مامانداردىڭ ساراپتامالىق پىكىرلەرى زاۋىت قىزمەتى قورشاعان ورتا مەن ادامدار ءۇشىن ءقاۋىپسىز بولاتىنىنا كۇمان كەلتىرمەيدى. ونىڭ ۇستىنە، مۇنداي ونداعان جوبالار ءقازىردىڭ وزىندە بۇكىل قازاقستان بويىنشا تابىستى جۇمىس ىستەپ جاتىر. الايدا قوعامدىق تىڭداۋلاردا، ودان كەيىن الەۋمەتتىك جەلىلەردە ارانداتۋشىلىق ارەكەتتەر جاسالىپ، زاۋىت قۇرىلىسىنا بارلىق كەزەڭدە قارسىلىق ءبىلدىرىپ جاتقاندار بار. الەۋمەتتىك جەلىدە جاريالانعان كادرلاردا اۋىلدىق كلۋبتىڭ زالىنا حالىقتى كىرگىزبەي، قوعامدىق تىڭداۋلاردى بۇزۋعا تىرىسقاندارى انىق كورىنىپ تۇر.
اۋىل تۇرعىندارىنا زاۋىت قۇرىلىسى جوباسىن قولداعانى، تىڭداۋلارعا قاتىسىپ، ءوز پىكىرلەرىن بىلدىرگەنى ءۇشىن ۇنەمى قورقىتۋلار، سونىڭ ىشىندە زورلىق-زومبىلىق كورسەتىلەدى. مۇنى مارالدى اۋىلىنىڭ تۇرعىندارىنان اۋداندىق سوتقا كەلىپ تۇسكەن قۇقىقتىق قورعاۋ تۋرالى 10-نان استام ارىز دالەلدەيدى. ءوز ومىرلەرىنە ءقاۋىپ تونگەن اۋىل تۇرعىندارى ەل پرەزيدەنتىنە ۇندەۋ جازدى. ولار زاۋىتتىڭ جوبا بويىنشا، بارلىق ەكولوگيالىق نورمالاردى ساقتاي وتىرىپ جۇمىس ىستەگەنىن قالايدى. حالىق لايىقتى جۇمىس تاۋىپ، اۋىلعا ورالدى، بالالارى مەن نەمەرەلەرىنىڭ بولاشاعىنان ءۇمىت كۇتەدى ءبارى.
تاۋەلسىز ساراپشىلار شىعىس قازاقستان وبلىسى كۇرشىم اۋدانىنداعى «Maralicha Cold» تاۋ-كەن كومپانياسى» ج ش س قىزمەتىنىڭ توڭىرەگىندە جاساندى تۇردە جاسالعان كەلەڭسىز جاعداي سوڭعى 2 جىلدا قىزا تۇسكەنىنە سەنىمدى. مۇددەلى توپتىڭ ارىز-شاعىمدارى نەگىزىندە رەسپۋبليكالىق جانە جەرگىلىكتى ونەركاسىپ باسقارمالارىمەن كوپتەگەن جوسپاردان تىس تەكسەرۋلەر جۇرگىزىلىپ، جوبادا دا، كومپانيانىڭ قىزمەتىندە دە زاڭ بۇزۋشىلىقتار انىقتالعان جوق.
مەملەكەتتىك ورگاندار دا نارازىلىق پەن ارانداتۋشىلىقتاردىڭ ارتىندا بەلگىلى ءبىر ادامدار توبى تۇرعانىن انىقتاي الدى. ولار زاۋىت اشۋدىڭ ناقتى فاكتىلەرى مەن ارتىقشىلىقتارىنا نازار اۋدارماي، قاراپايىم حالىقتىڭ ساناسىن مانيپۋلياسيالاۋعا تىرىسادى.
ال، كومپانيا باسشىلىعى مارالدى اۋىلدىق وكرۋگىنىڭ تۇرعىندارىن قولداۋ ءۇشىن بارىنشا الەۋمەتتىك مىندەتتەمەلەر الۋعا دايىن ەكەنى انىق. بۇل – اۋىل تۇرعىندارىن كومىرمەن قامتاماسىز ەتۋ جانە بۇل بيىلدىڭ وزىندە اتقارىلدى. مىسالى، جاۋاپكەرشىلىگى شەكتەۋلى سەرىكتەستىكتەردە جۇمىس ىستەيتىن مۇگەدەكتەر مەن اۋدان تۇرعىندارىن باسپانامەن قامتاماسىز ەتۋ، مەكتەپتەر مەن اۋرۋحانالاردى جوندەۋ، جاڭا جۇمىس ورىندارىن اشۋ. 2024 جىلعى وقۋ جىلىنان باستاپ قازاقستان رەسپۋبليكاسىنىڭ اۋماعىنداعى جوعارى جانە ورتا وقۋ ورىندارىندا تاڭداعان ماماندىقتارى بويىنشا جىلىنا شامامەن 15 ستۋدەنتتى مارالدى اۋىلدىق وكرۋگىنىڭ بارلىق مەكتەپ تۇلەكتەرىن وقىتۋ.
كاسىپورىننىڭ جۇمىسى كوپتەن بەرى كۇيزەلىسكە ۇشىراپ، حالىق اعىلىپ جاتقان مارالدى اۋىلدىق وكرۋگىنە تەك قانا پايدا اكەلەتىنى انىق. كاسىپورىن جۇمىسى اۋدانداعى اۋىلداردىڭ عانا ەمەس، وڭىردە شاعىن جانە ورتا بيزنەستىڭ دە دامۋىنا جول اشادى. حالىقتىڭ جۇمىس ىستەپ، اقشا تابۋعا مۇمكىندىگى بولادى. كاسىپورىن مامانداردى وقىتىپ، الەۋمەتتىك كەپىلدىكتەر بەرەدى. ال مۇنىڭ بارلىعىنا اۋىل تۇرعىندارىنىڭ مۇددەسى مەن ءوڭىردىڭ دامۋىنا قاراماستان ءوز ماقساتتارىن كوزدەيتىن ءبىر توپ ادامدار ارەكەتىنەن ءقاۋىپ ءتونىپ تۇر.
كەلەسى قوعامدىق تىڭداۋ قاڭتاردىڭ 26-سى كۇنى وتەدى، اۋىل تۇرعىندارىنىڭ جالعان اقپارات ارقىلى قوعامدىق پىكىردى بۇرمالاۋعا تىرىسپاي، شىندىقتى ايتاتىنداردى تىڭداۋى وتە ماڭىزدى. الەۋمەتتىك جەلىلەردە كومپانيانىڭ قىزمەتى اشىق، تيىمدىلىگى مەن قاۋىپسىزدىگىن ەكولوگتار، ساراپشىلار جانە جەر قاتىناستارى دەپارتامەنتىنىڭ جانە باسقا دا مينيسترلىكتەر مەن ۆەدومستۆولاردىڭ وكىلدەرىمەن راستالعان، سوندىقتان بۇل جوبانى جۇزەگە اسىرۋعا مۇمكىندىك بەرۋ وتە ماڭىزدى.
PS: شقو پروكۋراتۋراسى ق ر قىلمىستىق كودەكسىنىڭ 274-بابىنا سايكەس ەسكەرتەدى.
«ادامدار توبىنىڭ الدىن الا ءسوز بايلاسۋىمەن قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نەمەسە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ ءقاۋپىن تۋدىراتىن كورىنەۋ جالعان مالىمەتتەردى تاراتقانى ءۇشىن؛
بۇقارالىق اقپارات قۇرالدارىن، تەلەكوممۋنيكاسيا جەلىلەرىن جانە ونلاين پلاتفورمالاردى پايدالانۋ – بەس جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
