ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءمامس جۇيەسىنە اۋدارىم جاساماعاندار قالاي جازالانادى؟

27 ناۋرىز 2024 174

قازاقستاندىقتار تۇپتەپ كەلگەندە ءمامس جۇيەسىندە ساقتاندىرىلماعانى ءۇشىن جازالانا ما؟ بۇل سۇراققا "الەۋمەتتىك مەديسينالىق ساقتاندىرۋ قورى" اق باسقارما ءتوراعاسىنىڭ ورىنباسارى ءىلياس مۇحامەدجان جاۋاپ بەردى، دەپ حابارلايدى Alash.kz.

بۇعان دەيىن دەنساۋلىق ساقتاۋ مينيسترلىگى مىندەتتى مەديسينالىق ساقتاندىرۋ قورىنا اۋدارىم جاساماعاندار بەلگىلى ءبىر مەديسينالىق انىقتاما الۋ مۇمكىندىگىنەن ايىرىلۋى مۇمكىن ەكەنىن ايتقان بولاتىن. مىسالى، جۇرگىزۋشى كۋالىگىن الۋ، قارۋ ساقتاۋ جانە ت.ب. ءۇشىن قاجەت.

الايدا مەديسينالىق ساقتاندىرۋ قورى مۇنداي ماسەلەنىڭ كۇن تارتىبىندە جوق ەكەنىن اتاپ ءوتتى.

"بىرىنشىدەن، قور ۋاكىلەتتى ورگان ەمەس، زاڭ شىعارۋشى ورگان ەمەس. ءبىز ەڭ الدىمەن دەنساۋلىق ساقتاۋ مينيسترلىگى، ۇكىمەت جانە ت.ب. شىعاراتىن بۇيرىقتار، ەرەجەلەر نەگىزىندە جۇمىس ىستەيتىن قارجى ينستيتۋتىمىز. سوندىقتان مۇنداي ماسەلە ءقازىر كۇن تارتىبىندە مۇلدەم جوق"، - دەپ جاۋاپ بەردى ءىلياس مۇحامەدجان.

مىندەتتى مەديسينالىق ساقتاندىرۋ جۇيەسىندە ساقتاندىرىلماعان قازاقستاندىقتاردى جازالاۋ تۋرالى ۇستانىمىن ءبىلۋ ءۇشىن دەنساۋلىق ساقتاۋ مينيسترلىگىنە دە حابارلاستىق.

"قازىرگى ۋاقىتتا مىندەتتى مەديسينالىق ساقتاندىرۋ بويىنشا ساقتاندىرىلماعان ازاماتتاردىڭ كولىك جۇرگىزۋ، قارۋدى يەلەنۋ نەمەسە كۋالىك بەرۋ قۇقىقتارىن شەكتەۋ شارالارى قاراستىرىلماعان جانە تالقىلانىپ جاتقان جوق"، - دەپ جاۋاپ بەردى دەنساۋلىق ساقتاۋ مينيسترلىگىنىڭ رەسمي وكىلى گاۋحار بيسارينا.

بۇل ماقالا تۋرالى نە ويلايسىز؟