ەلىمىزدە سارى اۋرۋعا شالدىققاندار سانى كۇرت ارتى. بۇل تۋرالى دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلادى. سىرقاتتىڭ بەلگىلەرى قانداي؟
2024 جىلدىڭ باسىنان بەرى ەلدە ءجىتى ا ۆيرۋستىق گەپاتيتىنىڭ 850 جاعدايى تىركەلدى، بۇل وتكەن جىلمەن سالىستىرعاندا 1،9 ەسە جوعارى. سوعان وراي، مينيسترلىك بۇل سىرقاتتان ساقتانۋ جولدارىن ەسكە سالدى.
ا ۆيرۋستىق گەپاتيتىنىڭ بەرىلۋ جولدارى
ا ۆيرۋستىق گەپاتيتى لاس سۋمەن، لاستانعان تاعاممەن جانە ناۋقاسپەن بايلانىستا بولعاننان كەيىن كىر قولدار ارقىلى بەرىلەدى.
ا ۆيرۋستىق گەپاتيتى اۋرۋىنىڭ بەلگىلەرى
اۋرۋدىڭ بەلگىلەرى – دەنە تەمپەراتۋراسىنىڭ جوعارىلاۋى، باستىڭ اۋرۋى، تابەتتىڭ تومەندەۋى، ەنجارلىق، جۇرەكتىڭ اينۋى، قۇسۋ.
ينكۋباسيالىق كەزەڭ – 14-تەن 35 كۇنگە دەيىن.
ا گەپاتيتىمەن اۋىراتىن ناۋقاس سيمپتومدار پايدا بولعانعا دەيىن 2 اپتادا جانە ءبىر اپتادان كەيىن باسقالارعا جۇقپالى بولادى.
ۆاكسيناسيالاۋ ا ۆيرۋستىق گەپاتيتىنەن قورعايدى
ۆاكسيناسيالاۋعا جاتادى:
ەكى جاستاعى بالالار؛
ينفەكسيا وشاقتارىنداعى بايلانىستاعى ادامدار.
گەپاتيت ينفەكسياسىنان قالاي ساقتانۋعا بولادى:
-تاماقتانار الدىندا، دارەتحاناعا بارعاننان كەيىن، جۇمىستان ورالعاندا، سەرۋەندەگەندە قولىڭىزدى جۋىڭىز؛
-شىق سۋ قويمالارىنان قايناتىلماعان سۋ ىشپەڭىز جانە ونىمەن جەمىستەر مەن كوكونىستەردى جۋۋعا بولمايدى؛
-لاستانعان سۋ ايدىندارىندا شومىلۋعا بولمايدى.