«LRT جۇمىسى مىنە، قىركۇيەك ايىندا باستالادى. ءبىرىنشى ترانشپەن بيۋدجەتتەن 20 ملرد تەڭگە ءبولىندى. ءبىراق ول جەتكىلىكسىز. سەبەبى ەگەر تۇتاستاي الاتىن بولساق، قازىرگى ۋاقىتتا 1 ملرد دوللارعا جۋىق قاراجات جۇمسالدى. ونىڭ ءوز مىندەتتەمەسى بار. سەبەبى قىتايمەن كەلىسىمشارتتارعا قول قويىلعان. ول جەردە مەملەكەتتىڭ ءوزىنىڭ مىندەتى بار. ءبىز كەلىسىمشارتتى بۇزاتىن بولساق، وندا اربيتراجدا سوتتاسىپ، ءبىز ۇتىلىپ قالامىز» – دەپ جاۋاپ قاتتى التاي كولگىنوۆ.
اكىمنىڭ مالىمەتى بويىنشا، جۇڭگو تارابى ءوز مىندەتتەمەسىن ورىنداپ وتىر. قاراجات توقتاتىلعاننان كەيىن جۇمىس توقتاپ قالدى.
«ءقازىر ءبىز كوكتەمدە، كۇزدە بيۋدجەتتەن 3،5 ملرد تەڭگە كولەمىندە بانكتەرگە پروسەنتتەرىمەن قايتارىپ وتىرمىز. ءبارىبىر مەملەكەتتىڭ قالتاسىنا سالماق تۇسەدى. سوندىقتان، بيۋدجەتتەن بولەمىز دەپ شەشىم قابىلدادىق. قۇرىلىستى اياقتاۋ ءۇشىن قازىرگى ەسەپپەن 570 ملن دوللار كەرەك» دەدى اكىم.
