ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كارىم ءماسىموۆتىڭ ءىسى بويىنشا جاڭا مالىمەتتەر پايدا بولدى

12 مامىر 2022 88
 



قازاقستان ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆتى قاماۋعا الۋ مەرزىمى تاعى ءبىر ايعا – 6 ماۋسىمعا دەيىن ۇزارتىلدى.

بۇل تۋرالى ۇقك باسپا ءسوز قىزمەتى حابارلادى.

ۇقك باسشىسىنىڭ بۇرىنعى ورىنباسارلارى ءانۋار سادىقۇلوۆتىڭ قاماۋعا الۋ مەرزىمى دە 6 ماۋسىمعا دەيىن، داۋلەت ەرعوجيننىڭ قاماۋ مەرزىمى 13 ماۋسىمعا دەيىن ۇزارتىلدى. ولار 13 قاڭتاردا قاماۋعا الىندى. ولاردىڭ ۇستىنەن بيلىكتى كۇشتەپ تارتىپ الۋعا جانە قىزمەتتىك وكىلەتتىكتەرىن اسىرا پايدالانۋعا باعىتتالعان ارەكەتتەر فاكتىلەرى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

ەسكە سالساق، 8 قاڭتاردا ۇقك بۇرىنعى ءتوراعاسى كارىم ءماسىموۆتىڭ ۇستالعانىن حابارلادى. وعان قاتىستى قىلمىستىق ءىس «وتە قۇپيا» ساناتىنا جاتقىزىلدى. كوميتەتتىڭ بۇرىنعى باسشىسى وزىنە نەمەسە باسقالارعا پايدا مەن ارتىقشىلىقتار الۋ ماقساتىندا قىزمەتتىك وكىلەتتىكتەرىن اسىرا پايدالاندى. سونداي-اق مەملەكەتكە وپاسىزدىق جاسادى جانە بيلىكتى كۇشتەپ باسىپ الۋعا نەمەسە قازاقستاننىڭ كونستيتۋسيالىق قۇرىلىسىن وزگەرتۋگە باعىتتالعان ارەكەتتەر جاسادى دەگەن كۇدىككە ءىلىندى.

كەيىن ۇقك ودان تاركىلەنگەن ءساندى زاتتاردى كورسەتتى. سونداي-اق مينيسترلىك كارىم ءماسىموۆتىڭ جابىق كەلىسىمشارتتى الۋ ءۇشىن شەت مەملەكەتتىڭ وكىلدەرىنەن 2 ميلليون دوللار پارا العانىن حابارلادى.







دەرەككوز
بۇل ماقالا تۋرالى نە ويلايسىز؟