ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كانيكۋلدە بالالارىڭىزعا ينتەرنەتتەن قانداي ءقاۋىپ بار؟

02 ماۋسىم 2024 232

جازعى دەمالىس كەزىندە ينتەرنەتتىڭ بالالار ءۇشىن ءقاۋپى ارتۋى مۇمكىن. وسى ورايدا، پوليسيا اتا-انالارعا ءبىرقاتار كەڭەس بەردى، دەپ حابارلايدى Alash.kz.

وڭ-سولىن دۇرىس اجىراتا المايتىن جاسوسپىرىمدەردىڭ كيبەركەڭىستىكتىڭ تەرىس اسەرىنە ۇشىراۋ ءقاۋپى باسىم. كامەلەتكە تولماعان بالالار ءارتۇرلى سايتقا كىرىپ، توپتار مەن قاۋىمداستىقتارعا تىركەلىپ، بەيتانىس ادامدارمەن ۆيرتۋالدى بايلانىسقا تۇسەدى، دەيدى polisia.kz.

بالالار بوتەن ادامنىڭ ىقپالىنا تەز بەرىلىپ، ءوزىنىڭ «جاڭا دوسىنا» بانك كارتاسىنىڭ ءنومىرى، تەلەفون ءنومىرى، جەكە كابينەتتەر مەن پاراقشالاردىڭ قۇپيا سوزدەرى، تۇرعىلىقتى مەكەنجايى تۋرالى ايتىپ قويۋى مۇمكىن. سونىمەن قاتار، كۇدىكتى اداممەن ۆيرتۋالدى قارىم-قاتىناس ومىردەگى كەزدەسۋلەرگە ۇلاسۋ ءقاۋپى بار.

ودان بولەك، جەتكىنشەك اقشا تابۋ ماقساتىندا زاكلادچيك-كۋرەرلەردى جينايتىن حابارلاندىرۋلاردىڭ قۇرىعىنا ءتۇسىپ قالۋى مۇمكىن.

ءتارتىپ ساقشىلارى اتا-انالارعا بالالاردى قاۋىپتەن قورعاۋعا كومەكتەسەتىن نەگىزگى ەرەجەلەردى ساقتاۋدى ۇسىنادى:

  • بالانىڭ مىنەز-قۇلقى مەن جاڭا قىزىعۋشىلىقتارىنا نازار اۋدارىڭىز؛
  • ەگەر بالا ينتەرنەتتە العان تاپسىرمالاردى ومىردە ورىنداسا، وعان تەز ارادا نازار اۋدارىڭىز؛
  • مازمۇنى كامەلەتكە تولماعاندارعا تەرىس اسەر ەتۋى مۇمكىن رەسۋرستارعا شەكتەۋ قويىڭىز؛
  • بالاعا جەكە اقپاراتتى جاريالاماۋ كەرەكتىگىن ۇيرەتىڭىز؛
  • الەۋمەتتىك جەلىلەردە بالاڭىزدىڭ قانداي توپتار مەن قاۋىمداستىقتارعا جازىلعانىن قاداعالاڭىز؛
  • بالاعا بوتەن اداممەن سويلەسۋدىڭ ءقاۋىپتى ەكەنىن ءتۇسىندىرىڭىز؛
  • ىقتيمال ءقاۋىپ انىقتالعان جاعدايدا دەرەۋ قۇقىق قورعاۋشىلارعا حابارلاڭىز.

سوت ەسىرتكى زاتتارىن تاراتقان 8 ينتەرنەت-رەسۋرستى جاپتى. ينتەرنەت-الاياقتىقتىڭ جاڭا ءتۇرى پايدا بولدى – ءىىم.

بۇل ماقالا تۋرالى نە ويلايسىز؟