ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جايىق دەڭگەيى 34 سانتيمەترگە كوتەرىلىپ، قاتەرلى مەجەگە جاقىندادى

20 ءساۋىر 2024 561

ورال قالاسىنىڭ ىرگەسىندەن اعاتىن جايىق وزەنىنىڭ دەڭگەيى 34 سانتيمەترگە كوتەرىلىپ، قاتەرلى شەككە جاقىندادى، دەپ حابارلايدى Alash.KZ ۇلتتىق پورتالى. 

ورال قالاسىنىڭ ىرگەسىندەگى جايىق وزەنىنىڭ دەڭگەيى ءبىر تاۋلىكتە 34 سانتيمەترگە كوتەرىلدى.

«قازگيدرومەت» رمك بقو فيليالىنىڭ 20 ءساۋىر كۇنگى ساعات 08.00-دەگى مالىمەتى بويىنشا قالاداعى گيدروبەكەتتە سۋ دەڭگەيى 828 سانتيمەترگە جەتىپ، ءقاۋىپتى شەككە (850 سم) تاياپ قالدى، - دەپ جازدى KAZINFORM.

بايتەرەك اۋدانى يانۆارسيەۆ اۋىلىندا 899 (+15، ءقاۋىپتى شەگى – 1 250 سم)، كوشىمدە 804 (+16، 850 سم)، تايپاقتا 504 (+9) سانتيمەتردى كورسەتتى.

سونىمەن قاتار جايىققا قۇياتىن شاعان وزەنىنىڭ دەڭگەيى بايتەرەك اۋدانى چۋۆاشين اۋىلى تۇسىندا 16 سانتيمەترگە جوعارىلاعان (713 سم، ءقاۋىپتى شەگى – 1 300 سم).

ورال قالاسى اكىمدىگىنىڭ مالىمەتىنە سايكەس، قازىرگى تاڭدا وزەن اڭعارىندا ورنالاسقان ساياجايلاردان تۇرعىنداردى كوشىرۋ جۇمىستارى جالعاسىپ جاتىر. 

توتەنشە جاعدايلار سينيسترلىگىنىڭ حابارلاۋىنشا، قىزىلوردا وبلىسى تجد جيىنتىق توبى باتىس قازاقستان وبلىسى، ورال قالاسىنىڭ 1 جانە 2-ساياجاي اۋدانىندا سۋ باسقان ساياجاي ۇيلەرىنەن مۇلىكتەردى شىعارۋ، ينەرتتى ماتەريالدار تولتىرىلعان قاپتار توسەۋ جانە جاعالاۋدى نىعايتۋ بويىنشا جۇمىستار جۇرگىزۋدە. 

بۇل ماقالا تۋرالى نە ويلايسىز؟