ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"اتىراۋ جۇرتىنىڭ جانكەشتىلىگىن، قازاق حالقىنىڭ اۋىزبىرشىلىگىن كوردىم". Respublica پارتياسى دا اپاتتى ايماقتا ءجۇر

16 ءساۋىر 2024 375

جالپى باتىسقا الماتىدان 65 توننا (3 فۋرا) جۇك كەلدى. قالاعا سۋ شامامەن 5-6 كۇندە كەلەدى دەگەن بولجام بار. گۋمانتيرالىق كومەكتىڭ ىشىندە 12 موتورلى قايىق، 2 كيىز ءۇي، 1500 ادامعا ارنالعان سۋ ەتىك، 40 دانا ەتىك (بەلدەن كەلەتىن رەزينا ەتىكتەر)، 15 دانا موتوپومپا (سۋ سوراتىن قۇرىلعى)، 100 دانا سۋ وتكىزبەيتىن كۋرتكا، 12 مىڭ قاپ، بالالارعا ارنالعان كيىمدەر، 35 توننا بۇزىلمايتىن ازىق-تۇلىك، 10 توننا سۋ، توسەك ورىن، ت/ب زاتتار بار. جالپى باتىسقا الماتىدان 65 توننا (3 فۋرا) جۇك كەلدى.

سونداي-اق، ون كۇن بۇرىن 1 جۇك كولىگى ورالعا جەتكىزىلگەن ەدى.

Respublica پارتياسىنىڭ الماتى وبلىستىق فيليالىن باسقاراتىن جۋرناليست جاراس نيازبەك تە بىرنەشە كۇننەن بەرى اتىراۋ وڭىرىندە ءجۇر.

“سۋ تاسقىنى باستالعان كۇننەن باستاپ زارداپ شەككەن حالىققا گۋمانيتارلىق كومەك ۇيىمداستىرۋدى باستاپ كەتتىك. باستى ماقسات: ەڭ قاجەتتى دەگەن زاتتاردى جيناپ، تەزدەتىپ جونەلتۋ. كومەككە ۇمتىلعان جەرلەستەر كوپ بولدى. الماتى قالاسىندا ۇلكەن قويما دايارلاپ، جۇكتەردى سوندا جينادىق. ال ءقازىر اتىراۋعا كەلگەن گۋمانيتارلىق كومەكتىڭ ءبىر بولىگىن قالالىق ۇلكەن قويماعا وتكىزدىك. ءبىر بولىگىن سۋ باسىپ جاتقان ورال قالاسىنا جىبەردىك. ەندى قۇلسارى وڭىرىنە زاتتاردى دايىنداپ جاتىرمىز". 

ال تاعى ءبىر ارىپتەسىمىز ريشات اسقاربەك ۇلى Respublica-نىڭ جەتىسۋ وبلىسىن باسقارادى.
“ءبىر جاماندىقتىڭ ارتىندا مىندەتتى تۇردە ءبىر جاقسىلىقتىڭ بولاتىنى حاق. باتىس وڭىردە جۇرگەنىمىزگە 6 كۇن بولدى. ورال قالاسىنداعى جاعدايدى ءوز كوزىمىزبەن كورىپ، حالىققا ەڭ قاجەتتى زاتتار ءتىزىمىن الىپ، الماتىداعى جيناق پۋنكتىنە جىبەردىك. ول جەرگە بۇعان دەيىن كاسىپكەرلەر كومەگىمەن 1 فۋرا گۋمانيتارلىق جۇك جەتكىزىلگەن ەدى. ال اتىراۋعا وتكەن جۇمادا شىققان 2 جۇك كولىگى بۇگىن جەتتى. ءبىزدىڭ مىندەتىمىز وسى جاۋاپتى جۇمىستى ۇيلەستىرۋ. مۇنداعى ماقسات - دايىندىق جۇمىستارىنا كومەكتەسۋ جانە كەلەتىن سۋدىڭ الدىن الۋعا اتسالىسۋ. ءوز باسىم اتىراۋ جۇرتىنىڭ جانكەشتىلىگىن جانە قازاق حالقىنىڭ اۋىزبىرشىلىگىن كوردىم. بارىمىزگە اللا جار بولسىن!”،- دەيدى ريشات اسقاربەك ۇلى.

ال الماتىلىق كاسىپكەرلەردىڭ باسىن قوسىپ، زارداپ شەككەن ايماقتارعا كومەكتى بەلسەندى تۇردە ۇيىمداستىرعاننىڭ ءبىرى - سۇڭعات رايىمبەك. ول پارتيانىڭ الماتى قالالىق فيليالىن باسقارادى.
“كومەك جيناپ باستاعاندا ازاماتتار بىردەن قول ۇشىن سوزدى. قويما دا تابىلا كەتتى، ەرىكتىلەر دە جينالا قالدى، ءتىپتى، جۇكتى جەتكىزەتىن كولىك تە دايىن بولدى. الداعى سىناق جايىق جۇرتىنا جەڭىل بولسىن. ءبىز سىزدەرمەن بىرگەمىز” - دەيدى سۇڭعات رايىمبەك.

پارتيا وكىلدەرى گۋمانيتارلىق زات جيناۋعا اتسالىسقان Respublica پارتياسىنىڭ مۇشەلەرى، الماتى ءماسليحاتىنداعى پارتيا دەپۋتاتتارى (جالىن جايناربەك، اكىم تۇرسىن، قايرات بەگالين، سالتانات سەرىكوۆا، رۋسلان يدريسوۆ)، Damu Business Group تاۋەلسىز كاسىپكەرلەر كەڭەسى، پارتيانىڭ الماتى اگلومەراسياسى، جۋرناليست ءامىربولات قۇسايىنۇلىنا جانە تالعار اۋدانى بەلسەندىلەرىنە العىس ءبىلدىردى.

بۇل ماقالا تۋرالى نە ويلايسىز؟