ايەلى سالتانات نۇكەنوۆانى ءولتىردى دەپ ايىپتالعان ەكس-مينيستر قۋاندىق بيشىمبايەۆقا سوت ۇكىمى شىعىپ، 24 جىلعا سوتتالعانىن بىلەمىز. قاسىنداعىنىڭ كورسەتكەن قاتىگەزدىگىنەن قازا تاپقان سالتانات نۇكەبايەۆانىڭ اعاسى اعاسى بۇرىنعى مينيستر، بيشىمبايەۆتىڭ بالا قاعىپ ولتىرگەنى تۋرالى باياندادى. ول بۇل تۋرالى تەلەجۇرگىزۋشى تيمۋر بالىمبەتوۆكە بەرگەن سۇحباتىندا ايتتى، دەپ حابارلايدى Alash.KZ ۇلتتىق Timur Balymbetov سۇحباتىنا سىلتەمە جاساپ.
جۋرناليست تيمۋر بالىمبەتوۆ سالتانات نۇكەنوۆانىڭ اعاسى ايتبەك امانگەلدىدەن سوت بارىسىندا ايتىلعان اقپاراتتاردى، اناسىنىڭ "بيشىمبايەۆ بالا ولتىرگەن" دەگەن سوزدەرىنە قاتىستى تۇسىندىرمەنى سۇرادى.
"جاياۋ جۇرگىنشىلەر جولىندا بالا قاعىپ كەتكەن. ءبىز 8-9 قاراشا كۇندەرى سالتاناتتىڭ ولىمىنە قاتىستى كۋاگەرلەردى ىزدەپ، حالىقتان كومەك سۇرادىق. وسى كەزدە بىزگە بۇعان دەيىن بولعان ەسكى وقيعالار تۋرالى دا ايتقان كىسىلەر بولدى. سولاردىڭ ىشىندە ءبىر ايەل بولدى، ونىمەن ءبىز بەتپە-بەت كەزدەستىك، سول جەردە ايتتى. قاتەلەسپەسەم قاراشا ايىندا ەدى، كوزىلدىرىك تاققان، شارفقا ورانعان ايەل بولدى"، – دەيدى ايتبەك امانگەلدى.
مارقۇمنىڭ اعاسىنىڭ ايتۋىنشا، وسى كەزدەسۋدەن كەيىن ول ايەلدى تاپپاي قالعان. ايەلدىڭ ءوزىن تانىستىرعان كەزدەگى ەسىمىنىڭ دە جالعان بولۋى مۇمكىن ەكەنىن ايتادى.
"مەن العاشىندا بۇل اقپاراتقا سىني كوزبەن قارادىم. ءبىراق ول وتە كوپ اقپاراتپەن ءبولىستى جانە ونىڭ بەرگەن اقپاراتتارى رەسمي دەرەكتەرمەن سايكەس كەلىپ وتىردى. بارلىعىن ناقتى دەرەكتەرمەن اتى-جوندەرىن، تۋعان جىلدارىن بەردى. ول سول كەزدە قىلمىستى ءوز موينىنا العان ەكىنشى ادامنىڭ ءاتى-جونىن بەردى. رەسمي دەرەكتەرگە سۇيەنسەك، سول ادام 3 اي ۋاقىتشا تەرگەۋ يزولياتورىندا وتىرعان. سوسىن تاراپتاردىڭ تاتۋلاسۋىمەن ءىس جابىلىپ كەتكەن"، – دەيدى مارقۇمنىڭ اعاسى.
ايتبەك كەزدەسكەن ايەلدىڭ مالىمەتىنشە، اتالمىش جول اپاتىندا رولدە بيشىمبايەۆ وتىرعان جانە ماس كۇيىندە بولعان ەكەن. الايدا جانىداعى ەكىنشى ادام كىنانى ءوز موينىنا العان.
"وسى وقيعادان كەيىن قىلمىستى موينىنا العان ادامنىڭ اكەسىنىڭ كاسىبى ۇلكەيە تۇسكەن، ال ءوزى تەرگەۋ يزولياتورىنان شىققان سوڭ اسكەرگە بارىپ كەلگەن. اسكەردەن كەيىن ول دا بايتەرەك كومپانياسى سەكىلدى جەرلەردە لاۋازىمدى قىزمەتتەر اتقارعان. ال بيشىمبايەۆتىڭ ءوزى وسى وقيعادان كەيىن امەريكاعا وقۋعا كەتىپ قالعان"، – دەيدى ايتبەك امانگەلدى.
ايتبەك امانگەلدى وسى اقپاراتتاردى بولىسكەن ايەلدىڭ بۇرىن بيشىمبايەۆتىڭ وتباسىندا جۇمىس ىستەگەن بولۋى مۇمكىن ەكەنىن ايتادى.
