ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءىىم تۇرعىمبايەۆتىڭ وتستاۆكاعا كەتپەگەنىن حابارلادى

23 اقپان 2022 175
[ad_1]



ىشكى ىستەر مينيسترلىگى ۆەدومستۆو باسشىسى ەرلان تۇرعىمبايەۆتىڭ وتستاۆكاعا كەتكەنى تۋرالى الەۋمەتتىك جەلىدە تاراپ جاتقان اقپاراتتى تەرىستەدى.


"ىشكى ىستەر ءمينيسترى ەرلان تۇرعىمبايەۆتىڭ وتستاۆكاعا كەتكەنى تۋرالى اقپارات شىندىققا سايكەس كەلمەيدى" دەدى ۆەدومستۆونىڭ باسپا ءسوز قىزمەتى. ولار مەكەمە باسشىسىنىڭ كەستەگە ساي جۇمىس ىستەپ جاتقانىن دا ايتتى.


22 اقپاندا ىشكى ىستەر ءمينيسترى ەرلان تۇرعىمبايەۆتىڭ وتستاۆكاعا كەتەتىنى تۋرالى حاباردى العاش بولىپ بەلسەندى توعجان قوجالييەۆا تاراتقان.


تۇرعىمبايەۆتىڭ وتستاۆكاسى تۋرالى حابار قاڭتار وقيعاسى بويىنشا ۇستالعانداردىڭ ازاپتالعانى تۋرالى شاعىمدار كوبەيىپ، ۇقك-نىڭ بۇرىنعى ءتوراعاسى كارىم ءماسىموۆ پەن ونىڭ بىرنەشە ورىنباسارى، بۇعان قوسا بۇرىنعى قورعانىس ءمينيسترى مۇرات بەكتانوۆ قامالعان تۇستا تارادى. قاڭتار وقيعاسىنان كەيىن تەرگەۋ يزولياتورلارىنداعى ازاپتاۋلار جايلى كوپ شاعىم ءتۇستى. ءىىم پوليسيانىڭ ۇستالعانداردى ازاپتاعانى تۋرالى اقپاراتتى جوققا شىعارعان.


وتكەن اپتادا تۇرعىمبايەۆتىڭ وتستاۆكاسىن تالاپ ەتكەن پەتيسياعا مىڭداعان ادام قول قويعان. پەتيسيا اۆتورلارى قاماۋداعى ازاپتاۋلار تۋرالى شاعىمداردىڭ كوپتىگىن العا تارتىپ، قاڭتار وقيعاسىن جان-جاقتى زەرتتەۋگە شاقىرعان. ولار الماتىداعى الاڭدا 6 قاڭتاردا بەيبىت نارازىلارعا وق اتقانداردى دا جاۋاپقا تارتۋدى تالاپ ەتكەن.


قاڭتار وقيعاسى كەزىندە قازاقستاندىق پوليسەيلەر قىزمەت ورنىن تاستاپ كەتكەنى ءۇشىن دە ايىپتالدى. باس پروكۋراتۋرا مالىمدەمەسىندە "الماتى جانە جامبىل وبلىستارىندا [پوليسيا] قىزمەتكەرلەرى قارسىلىق كورسەتپەستەن مەملەكەت مۇددەسى مەن قوعام قاۋىپسىزدىگىنە قايشى ارەكەت ەتىپ، قارۋ-جاراق پەن ءوق-دارى بار پوليسيا دەپارتامەنتى عيماراتىن تاستاپ كەتتى" دەپ جازىلعان. سونىڭ ناتيجەسىندە ۆەدومستۆو مالىمەتىنشە، 1،5 مىڭنان استام قارۋ-جاراق جوعالعان.







[ad_2]

دەرەككوز
بۇل ماقالا تۋرالى نە ويلايسىز؟