ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

Google كومپانياسى رەسەي سەرۆيستەرىن باياۋلاتتى

26 مامىر 2022 52
[ad_1]


رەسەيدىڭ بىرنەشە پروۆايدەرى Google كومپانياسىنان تۇتىنۋشىلارعا ارنالعان سەرۆيستەرىنىڭ جۇمىسىن جەدەلدەتەتىن سەرۆەرلەرىنە قىزمەت كورسەتۋ تۋرالى كەلىسىم ۇزىلەتىنى تۋرالى حابار الدى. بۇل ارەكەت ولاردىڭ كليەنتتەرىنىڭ، مىسالى YouTube ارناسىنىڭ جۇمىسىن باياۋلاتادى. بۇل جونىندە 26 مامىردا ربك حابارلادى.


اگەنتتىك ماتەريالىنا قاراعاندا، ءسوز - شاعىن ينتەرنەت-پروۆايدەرلەر تۋرالى، ءىرى پروۆايدەر ونداي حابار الماعان. رەسەيدىڭ ايماقتارداعى پروۆايدەرلەرىنەن وزگە Google ۋكراينانىڭ دونەسك جانە لۋگانسل وبلىستارىنداعى وپەراتورلاردى جۇكتەمەنى جەدەلدەتۋ قىزمەتىنەن ايىرعان دەپ جازادى "وردەركوم" telegram-ارناسى.


رەسەيدە Google كەيىنگى كەزدە ۇنەمى پروبلەماعا كەز بولىپ جاتىر. ۋكرايناعا باسىپ كىرگەن سوڭ، ناۋرىزدا كورپوراسيا رەسەي رىنوگىنا ارنالعان ءوز سەرۆيستەرىن جارنامامەن اقشا تابۋ مۇمكىندىگىن اجىراتقان ەدى.


Google كومپانياسىنىڭ رەسەيدەگى زاڭدى تۇلعاسى بيلىك تىيىم سالعان كونتەنتتى جويماعانى ءۇشىن شوتى بۇعاتتالعاننان كەيىن بانكروت پروسەدۋراسىن وتكەرىپ جاتىر.

مۇنان وزگە Google-دىڭ رەسەيدەگى "ەنشىلەس" كومپانياسىنىڭ ۇستىنەن سانكسياعا بايلانىستى YouTube ارناسىنداعى اككاۋنتتارى بۇعاتتالىپ قالعان رەسەيدىڭ ءبىرقاتار ءباسپاسوزى سوتقا شاعىم تۇسىرگەن.



[ad_2]

دەرەككوز
بۇل ماقالا تۋرالى نە ويلايسىز؟